जयगढमा राष्ट्रपति रनिङ्ग शिल्ड प्रतियोगिता : छतबाट खसेर बालक गम्भीर घाइते

बान्नीगढी जयगढ गाउँपालिकामा सोमवार देखी राष्ट्रपति रनिङ्ग शिल्ड छनोट प्रतियोगिता सुरु भएको छ ।

गाउँपालिकाको आयोजनामा जयगढ देवल बजारमा प्रतियोगिता चली रहँदा प्रतीक्षालयको छतबाट खस्दा एक बालक गम्भीर घाइते भएका छन् ।

वडा नम्बर ३ को वडा र सरस्वती माद्यामिक विद्यालय परिसरमा रहेको प्रतीक्षालयको छतबाट खस्दा बान्नीगढी गाउँपालिका वडा नम्बर ३ बर्दादेवी जाल्तोलाका विशाल भुल घाइते भएका हुन् ।

प्रतियोगिता हेर्न आएका १० बर्षिया बालक विशाल खेल्दै गर्दा छतबाट खसेको प्रत्यक्षदर्शी गणेश साउँदले बताउनुभयो ।

विशालको दुवै हात भाँचिनुका साथै र टाउकोमा समेत गम्भीर चोट लागेको बताइएको छ ।

घाइते विशाल साता दिन अघि बुवा खडक भुलसँग भारतबाट घर फर्किएका थिए । उनको हाल बयालपाटा अस्पतालमा उपचार भइरहेको छ ।

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker