बान्नीगढीको ट्याक्टर दुर्घटना : गाउँपालिकाको गम्भिर लापरबाही
बान्नीगढी जयगढ गाउँपालिकाको ट्याक्टर दुर्घटनाबारे नयाँ खुलासा भएको छ ।
यही चैत्र ११ गते बुधवार भएको बान्नीगढी गाउँपालिकाको ट्याक्टर दुर्घटनाबारे नयाँ खुलासा भएको हो ।
चालकले मदिरा सेवन गरी गाडी चलाएका कारण दुर्घटनामा परेको खुलासा भएको हो भने सवारी चालक भनिएका शेर बहादुर साउँदसंग सवारी चालक अनुमति पत्र समेत नभएको खुलेको हो ।
दुर्घटनामा परि घाइते भएका गाउँपालिकाका डोजर सहायक शेर बहादुर साउँदको उपचारका क्रममा मदिरा सेवन गरेको देखिएको बयालपाटा अस्पतालले जनाएको छ ।
अस्पतालका अनुसार उनको स्वास्थ्य उपचारको क्रममा मदिरा सेवन गरेको पाइएको हो । यसै बिच ट्याक्टर चालक भनिएका शेर बहादुर साउँद गाउँपालिकाको ट्याक्टर चालक नभई डोजर सहायक रहेको समेत देखिएको छ भने उनीसँग सवारी चालक अनुमति पत्र समेत नरहेको पाइएको छ ।
गाउँपालिकामा उनी डोजर सहायकका रुपमा कार्यरत थिए । उनी गाउँपालिकाको डोजर सहायकका रुपमा कार्यरत रहेको भए पनि केही समयदेखी गाउँपालिकाको ट्याक्टर चलाउँदै आएका थिए ।
सवारी चालक अनुमति पत्र नभएका र गाउँपालिकाको डोजर सहायकका रुपमा कार्यरत रहेका साउँदलाई गाउँपालिकाले के कसरी ट्याक्टर चलाउन अनुमति दियो भन्ने बिषयमा बुझ्न गाउँपालिकाका निमित्त प्रमुख प्रशासकीय अधिकृत रामचन्द्र जोशीलाई टेलिफोन गर्दा जोशीको फोन उठेन ।
ट्याक्टर चालक भनिएका साउँदको सवारी चालक अनुमति पत्र नभएकोबारे जानकारी गराउन प्रहरीले पटक पटक आग्रह गरे पनि गाउँपालिकाले यस बिषयमा कुनै पनि सूचना नदिएको स्रोतको दाबी छ ।
यही चैत्र ११ गते साँझ करिब ७ बजे बान्नीगढी जयगढ गाउँपालिकाको से १ द २७ नम्बरको ट्याक्टर जयगढ रामारोशन सडक खण्डको नाना पिपल नजिक दुर्घटनामा परेको थियो । दुर्घटनामा परि चालक शेर बहादुर साउँद घाइते भएका थिए ।
स्थानीय सरकार सञ्चालनका सम्बन्धमा बनेको स्थानीय सरकार सञ्चालन ऐन २०७४ मा गाउँपालिकाका चल अचल सम्पत्ति हेरचाह तथा मर्मत सम्भार गर्ने गराउने र आम्दानी खर्च हिसाब र अन्य कागजात पत्र सुरक्षित राख्ने ,राख्न लगाउने काम कर्तव्य र अधिकार गाउँपालिका अध्यक्षमा निहित गरेको छ ।
यस अर्थमा बान्नीगढी जयगढ गाउँपालिकाको ट्याक्टर सवारी अनुमति पत्र समेत नभएका डोजर सहायकलाई चलाउन दिनु ,मदिरा सेवन गरी ट्याक्टर दुर्घटना भएको पुष्टि हुनुले गाउँपालिका अध्यक्ष राजेन्द्र बहादुर खड्काको आफ्नो काम कर्तव्य र अधिकारबारेको गैर जिम्मेवारीता समेत सार्वजनिक भएको छ ।
क्याटेगोरी : मुख्य समाचार, राजनीति, समाचार, समाज, स्थानीय, हेडलाईन
थप समाचार
धेरै पढिएका
ताजा अपडेट
- १ टर्की र सिरियामा भूकम्पका कारण ज्यान गुमाउनेको सङ्ख्या ११ हजार नाघ्यो
- २ हेल्मेटभित्र १८ लाख रुपैयाँ लुकाएर नेपाल आउँदै गरेका दुई भारतीय नागरिक पक्राउ
- ३ अछाम रेशम तिमिल्सैना हत्या प्रकरण : अभियुक्त शाही विरुद्ध जन्मकैदको फैसला
- ४ ढकारी गाउँपालिकामा चिउरी प्रसोधन केन्द्र संचालनमा
- ५ संसदीय दलको नेता चयनसँगै नयाँ सरकार गठनको कसरत, प्रधानमन्त्री बन्न देउवा र प्रचण्डको होड
- ६ अछामका १० स्थानीय तहका ४० मुद्धा अख्तियारमा
- ७ प्रतिनिधिसभाका २७४ सांसदको सपथ आज
- ८ घाँटीमा मासु अड्किएर दैलेखमा १ जनाकाे ज्यान गयाे
प्रतिक्रिया दिनुहोस