अछाममा बेरोजगार युवालाई गाउँमै रोजगारी दिन सुरु( रिपोर्ट सहित)
बढ्दो वैदेशिक रोजगारीलाई रोक्न भन्दै अछामका स्थानीय तहहरुले युवा स्वरोजगार कार्यक्रम सुरु गरेका छन् ।
गाउँमै रोजगारीका अवसर सिर्जना गरेर वैदेशिक रोजगारीलाई रोक्ने अभियान स्थानीय सरकारले चलाएका छन् ।
व्यवसायिक कृषि तथा पशुपालन मार्फत गाउँघरमै रोजगारीका अवसर सिर्जना गर्नका लागि भन्दै बान्निगढी जयगढ गाउँपालिकाले चालु आर्थिक वर्षका लागि ४० लाख बजेट विनियोजन गरेको छ ।
बजेटबाट बेरोजगार युवाहरुलाई व्यावसायिक कृषि तथा पशुपालनका लागि सहयोग गरिने पालिकाले जनाएको छ ।
अछाममा विदेशबाट फर्किएकाहरुका लागी युवा लक्षित कार्यक्रम पनि चलिरहेको छ ।
सुुदुरपश्चिम प्रदेश सरकारको भुमि ब्यवस्था कृषि तथा सहकारी मन्त्रालय अन्तर्गत अछामका २ सय ९८ युवाले अनुदान पाउँदै छन् । प्रदेश सरकारका साथै स्थानीय सरकारले पनि युवा स्वरोजगार कार्यक्रम तय गरेका छन् ।
चालु आर्थीक बर्षको अहिले सम्मको तथ्याङ्क अनुसार अछामबाट रोजगारीको लागि भारत बाहेकको देशमा ६ सय युवा गएका छन् ।
युवा जनशक्ति विदेश पलायनको समस्या कम हुने अपेक्षा सहित युवा स्वरोजगार कार्यक्रम चलाएको साँफेवगर नगरपालिकामा करिव ४० जना युवाहरु नगरपालिकाको माध्यमबाट स्वरोजगार भएका छन्
