Techie IT

स्वास्थ्य शिविर मार्फत ३ सय २० जना लाभान्वित


दुई दिने एकीकृत स्वास्थ्य शिविर मार्फत ३ सय २० जना लाभान्वित भएका छन् ।

स्वास्थ्य कार्यालय अछामको आयोजना तथा मंगलसैन नगरपालिकाको समन्वय तथा सहयोगमा मंगलसेन नगरपालिकाको विकट वडा बाडामा सञ्चालन भएको एकीकृत स्वास्थ्य शिविर मार्फत उनीहरूले सेवा लिएका हुन् ।

शिविर मार्फत पाठेघरको मुखको क्यान्सरको जाँच गरिएको र २ जनामा पोजेटिभ पाइएकोले पुन परीक्षण तथा थप सेवा तथा परामर्शको लागि प्रेषण गरिएको छ ।

यस्तै ४६ जना गर्भवती महिलाको भिडियो एक्स रे द्वारा जाँच र करिब २ सय ७० भन्दा बढी बिरामीहरूको चिकित्सक द्वारा स्वास्थ्य चेकजाँच तथा उपचार सेवा प्रदान गरिएको छ भने करिब ३५ जनालाई विभिन्न प्रकारको प्रयोगशाला सेवा प्रदान गरिएको स्वास्थ्य कार्यालय अछामले जनाएको छ ।

गाउँघरमै स्वास्थ्य उपचार पाउँदा स्थानीय दङ्ग छन् ।


क्याटेगोरी : मुख्य समाचार, समाचार, समाज, स्थानीय, स्वास्थ्य, हेडलाईन

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस