कोरोना कहर : बान्नीगढीका ४ जनामा सङ्क्रमण

धनराज साउँद २०७८ वैशाख १३, सोमबार १४:४८

अछाम जिल्लामा पनि पछिल्लो समय कोरोनाको सङ्क्रमण दिनानुदिन बढ्दै गएको छ ।

जिल्लाका विभिन्न ठाउँमा दिनानुदिन दिन नयाँ व्यक्तिमा कोरोनाको सङ्क्रमण देखिन थालेको छ ।

यसै बिच बान्नीगढी जयगढ गाउँपालिकाका ४ जनामा कोरोना सङ्क्रमण देखिएको छ ।

दोस्रो चरणको कोरोना लहर फैलिँदै गए सँगै बान्नीगढी जयगढ गाउँपालिकाका ४ जनामा कोरोना सङ्क्रमण देखिएको हो ।

४ जना मध्य २ जनाको धनगढीमा उपचार भइरहेको छ । १ जनाको बयालपाटा अस्पताल र १ जना होम आइसोलेसनमा रहेको बान्नीगढी जयगढ गाउँपालिकाका स्वास्थ्य शाखा प्रमुख जनस्वास्थ्य निरीक्षक वसन्त रावलले बताउनुभयो ।

रावलका अनुसार कोरोना सङ्क्रमण देखिएका मध्य वडा नम्बर ६ दर्नाका पुरुष साता दिन अघि भारतबाट फर्किएका हुन् ।

यस्तै अन्य कोरोना सङ्क्रमण देखिएका मध्य १ जना जनप्रतिनिधि , १ जना स्वास्थ्यकर्मी र १ जना यातायात व्यवसायी रहेको खुलेको छ ।

कोरोना सङ्क्रमण देखिएका ४ जनामा साता दिन अघि नै कोरोना पुष्टि भएको थियो । सोमबार मध्यान्नसम्मको तथ्याँक अनुसार अछाम जिल्लामा बान्नीगढी जयगढ गाउँपालिकाका ४ जना संगै २३ जनामा कोरोना संक्रमण पुष्टि भएको छ ।

क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।