Techie IT

शिक्षक र स्वास्थ्यकर्मी गरी बान्नीगढीका थप ५ जनामा कोरोना


बान्नीगढी जयगढ गाउँपालिकाका थप ५ जनामा कोरोना सङ्क्रमण देखिएको छ ।

गाउँपालिका ४ जना शिक्षक र १ जना स्वास्थ्यकर्मीमा कोरोना सङ्क्रमण देखिएको हो ।

नन्दा माद्यामिक विद्यालय कालिकाका ४ जना शिक्षकमा र जयगढ बजारमा मेडिकल सञ्चालन गर्दै आएका १ जना स्वास्थ्यकर्मीमा कोरोनाको सङ्क्रमण देखिएको बान्नीगढी जयगढ गाउँपालिका स्वास्थ्य शाखा प्रमुख तथा जनस्वास्थ्य निरीक्षक वसन्त रावलले जानकारी दिनुभयो ।

उनीहरू सबैको पिसिआर परीक्षण गरिएको थियो । यससँगै बान्नीगढी जयगढ गाउँपालिकामा कोरोना सङ्क्रमितको सङ्ख्या ४५ पुगेको छ ।

नन्दा माद्यामिक विद्यालयका १६ जना विद्यार्थी,४ जना शिक्षक,वडा नम्बर ६ दर्ना पाटेखेतका २० जना नागरिक,गाउँपालिका भित्रका २ जना स्वास्थ्यकर्मी,१ जना जनप्रतिनिधि र २ जना सर्वसाधारण गरी कोरोना सङ्क्रमितको सङ्ख्या ४५ पुगेको हो ।

यस्तै बान्नीगढी जयगढ गाउँपालिकाका विभिन्न वडामा ज्वरो,रुघाखोकी लगायत कोरोनासँग मिल्दोजुल्दो लक्षण थुप्रै सर्वसाधारणमा देखिएको छ । भने जयगढ बजारमा रहेका मेडिकलमा समेत बिरामीको भिड लाग्न थालेको छ ।


क्याटेगोरी : मुख्य समाचार, समाचार, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस