बान्नीगढीका काँग्रेस नेता रावलको निधन : कोरोना सङ्क्रमणको आशङ्का

धनराज साउँद २०७८ वैशाख १७, शुक्रबार १०:१३

बान्नीगढी जयगढ गाउँपालिकाका काँग्रेस नेता टंक रावलको निधन भएको छ ।

कोरोना आशङ्का गरिएका रावलको उपचारका लागी नेपालगन्ज लैजा लैजादै गर्दा दैलेखको टुनिबगरमा निधन भएको हो ।

भारतबाट करिब २ साता अगाडी आएका रावलमा सातादिनदेखी ज्वरो,रुघाखोकी लगायत स्वास्थ्य समस्या देखिएको स्थानीय शिक्षक धिरेन्द्र रावलले बताउनुभयो ।

शिक्षक रावलका अनुसार भारतबाट हालसालै फर्किएका ५४ वर्षीय नेता रावल घरमै रहँदै आएकोमा साता दिन देखी उनमा स्वास्थ्य समस्या देखिएको थियो ।

स्थानीयहरूले कोरोनाका कारण नै उनको निधन भएको आशङ्का गर्दै कोरोना सङ्क्रमण जाँच गरिदिन गाउँपालिकालाई अनुरोध गरेका छन् ।

गाउँपालिकाले भने निधन भइसकेको व्यक्तिको कोरोना जाँच गर्न नसक्ने जनाएको बताइएको छ ।

गाउँपालिकाका स्वास्थ्य शाखा प्रमुख जनस्वास्थ्य निरीक्षक वसन्त रावलले भने निधन भइसकेका व्यक्तिको अस्पतालहरूले मात्र कोरोना परीक्षण गर्ने व्यवस्था भएका कारण उनको परीक्षण गर्न नसकिने बताउनु भएको छ ।

यद्यपि उनको शव व्यवस्थापनका लागी मृतकका आफन्तलाई गाउँपालिकाले ४ वटा पिपिई सेट भने उपलब्ध गराएको स्वास्थ्य शाखा प्रमुख रावलले जानकारी दिनुभयो ।

यस अघि बान्नीगढी जयगढ गाउँपालिका वडा नम्बर ५ कालिकामा रहेको नन्दा माद्यामिक विद्यालयका कोरोना सङ्क्रमण पुष्टि भएका बिद्यार्थीहरु नेता रावलका छिमेकी हुन ।

नेता टंक रावल नेपाली कांग्रेसका निवर्तमान क्षेत्रीय कार्य समिति सदस्य हुन् ।

क्याटेगोरी : मुख्य समाचार, राजनीति, समाचार, स्थानीय, स्वास्थ्य, हेडलाईन