Techie IT

बयालपाटा अस्पतालका ५ जना स्वास्थ्यकर्मीमा कोरोना


बयालपाटा अस्पतालमा कार्यरत ५ जना स्वास्थ्यकर्मीमा कोरोना सङ्क्रमण पुष्टि भएको छ ।

२ साताको अवधिमा अस्पतालका ५ जना स्वास्थ्यकर्मीमा कोरोना सङ्क्रमण पुष्टि भएको हो । सङ्क्रमण पुष्टि हुने स्वास्थ्यकर्मीमा ३ जना महिला र २ जना पुरुष रहेका छन् ।

अस्पताल स्रोतका अनुसार शनिवार मात्र थप १ जनामा कोरोना सङ्क्रमण देखिएको हो । बयालपाटा अस्पतालका ५ जना स्वास्थ्यकर्मीमा सङ्क्रमण देखिएसँगै अस्पतालमा समेत सङ्क्रमणको जोखिम बढेको छ ।

अस्पताल प्रशासनले अत्यावश्यक बाहेकका काममा अस्पतालमा नआउन र अस्पताल आउँदा अनिवार्य रुपमा मास्कको प्रयोग सहित आवश्यक स्वास्थ्य मापदण्ड पुरा गरी आउन अनुरोध गरेको छ ।


क्याटेगोरी : मुख्य समाचार, समाचार, स्थानीय, स्वास्थ्य

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस