अछाममा थप १ जना कोरोना सङ्क्रमितको मृत्यु,मृतकको सङ्ख्या ४ पुग्यो

धनराज साउँद २०७८ वैशाख १९, आईतबार १७:३२

अछाममा थप १ जना कोरोना सङ्क्रमितको मृत्यु भएको छ ।

जिल्ला अस्पताल अछाममा उपचार गराइरहेका १ पुरुषको कोरोनाका कारण मृत्यु भएको हो ।

मृत्यु हुनेमा बान्नीगढी जयगढ गाउँपालिका वडा नम्बर ६ दर्नाका ५० वर्षका पुरुष रहेको जिल्ला स्वास्थ्य कार्यालय अछामका सूचना अधिकारी देव जोशीले बताउनुभयो ।

जोशीका अनुसार शनिवार श्वासप्रसाद लगायत स्वास्थ्य समस्या देखिएपछि उनलाई जिल्ला अस्पतालमा उपचारका लागी भर्ना गरिएको थियो । जिल्ला अस्पतालमा गरिएको एन्टिजेन्ट परीक्षणका क्रममा ती पुरुषमा कोरोना सङ्क्रमण देखिएको जोशीले बताउनुभयो ।

यसै बिच शनिवार मात्रै मेल्लेख गाउँपालिकाका एक पुरुषको पनि कोरोना संक्रमणकै कारण मृत्यु भएको थियो । यससँगै अछाम जिल्लामा २ सातको अवधिमा ४ जना कोरोना सङ्क्रमितको मृत्यु भएको छ ।

क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।