अछाममा कोरोना सङ्क्रमणको दर दिनहुँ उकालो लाग्न थालेको छ ।
संक्रमण नियन्त्रणका लागि सरकारी स्तरबाट कुनै ठोस कदम नचाल्दा र सर्वसाधरणको लापरवाहीका कारण संक्रमण दिनहुँ बढ्दै गएको छ ।
मङ्गलवार आज मात्रै जिल्लामा थप २८ जनामा कोरोना भाइरसको सङ्क्रमण पुष्टि भएको छ ।
जिल्लाको कमलबजार पिसीआर प्रयोगशालामा ३८ जनाको नमुना परीक्षण गर्दा २८ जनामा सङ्क्रमण पुष्टि भएको प्रयोगशालाका सूचना अधिकारी टेक बहादुर विष्टले जानकारी दिनुभयो ।
मङ्गलवार थपिनेमा २५ जना जिल्लाको मेल्लेख गाउँपालिकाका मात्रै रहेका छन् । मेल्लेख गाउँपालिकाका २० जना पुरुष र ५ जना महिलामा सङ्क्रमण पुष्टि भएको प्रयोगशालाका सूचना अधिकारी विष्टले बताउनुभयो । उनीहरू गाउँपालिकाको वडा नम्बर ५ र ७ का हुन् ।
यस्तै कमलबजार नगरपालिकाको वडा नम्बर १ र ६ का एक÷एक जना पुरुष र ढकारी गाउँपालिका वडा नम्बर ८ का एक जना पुरुषमा पनि सङ्क्रमण पुष्टि छ । कमल बजार पिसिआर प्रयोगशालामा ७ हजार ७ सय २२ जनामा कोरोना परीक्षण गर्दा ६ सय १६ जनामा कोरोना सङ्क्रमण पुष्टि भएको छ ।
दोस्रो लहरको कोरोना सङ्क्रमणका कारण अछाममा ४ जनाको ज्यान गइसकेको छ ।
क्याटेगोरी : मुख्य समाचार, समाचार, स्थानीय, स्वास्थ्य, हेडलाईन
थप समाचार
धेरै पढिएका
ताजा अपडेट
- १ पार्टी एकताका लागि तयार छौं तर सम्मानजनक हुनुपर्छ : माधव नेपाल
- २ ओलीका पछिल्ला अभिव्यक्तिले एकताको वातावरण खल्बलियो : रावल
- ३ महाकवि देवकोटाको घर भत्काउन थालियो, सङ्ग्रहालय बनाइने
- ४ दार्चुला तुइन प्रकरणः एसएसबीसँगै मालघाट गएको छानबिन टोली फर्कियो
- ५ साउन २५ देखि ३२ गतेसम्म खोप सप्ताह : राज्यमन्त्री श्रेष्ठ
- ६ थप ३ हजार ९ सय ३८ जनामा कोरोना पुष्टि, ३७ जनाको ज्यान गयो
- ७ उपचार खर्च नपाउँदा ओछ्यानमा छटपटाउँदै कञ्चनपुरकी मनीषा
- ८ डडेल्धुरामा आयुर्वेद उपचार सेवा लिने बढे
प्रतिक्रिया दिनुहोस