Techie IT

अछाममा कोरोना सङ्क्रमितको सङ्ख्या २ सय ६३ पुग्यो ,४ जनाले कोरोना जिते


अछाममा कोरोना सङ्क्रमितको सङ्ख्या २ सय ६३ जना पुगेको छ ।

कोरोनाको दोस्रो लहर सुरु भए यता अछाममा मंगलवारसम्म सङ्क्रमितको सङ्ख्या २ सय ६३ पुगेको हो ।

पछिल्लो २४ घण्टामा गरिएको कोरोना परीक्षणमा जिल्लाका ७७ जनामा सङ्क्रमण पुष्टि जिल्ला स्वास्थ्य कार्यालय अछामका सूचना अधिकारी देव जोशीले जानकारी दिनुभयो । सम्ममा सङ्क्रमित हुने मध्य ८७ जना महिला र १ सय ६९ जना पुरुष रहेका छन् ।

जिल्लामा सबै भन्दा बढी बान्नीगढी जयगढ गाउँपालिकाका १ सय जना सङ्क्रमित रहेका छन् । यस्तै मंगलसैनमा ५४,कमलबजारमा २३,चौरपाटीमा १७,ढकारीमा ३ ,तुर्माखादमा ४,पञ्चदेवलमा २, मेल्लेखमा ३४,रामारोशनमा ८ जना ,साँफेबगरमा ११ जना रहेका छन् ।

जिल्लामा दोस्रो लहरको सङ्क्रमणबाट सङ्क्रमित भएका मध्य ४ जना निको भएका छन् भने ४ जनाको मृत्यु भएको छ । अहिले जिल्लाभर सक्रिय सङ्क्रमितको सङ्ख्या २ सय ५६ रहेको सूचना अधिकारी जोशीले बताउनुभयो ।


क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

धनराज साउँद
साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस