अछाममा दैनिक उपभोग्य बस्तुको मूल्य सार्वजनिक (मूल्य सुचि सहित)

एकेन्द्र खत्री २०७८ वैशाख २८, मंगलबार १६:५२

जिल्ला प्रशासन कार्यालय अछामले दैनिक उपभोग्य बस्तुको मूल्य सार्वजनिक गरेको छ ।

दोस्रो लहरको कोरोना सङ्क्रमणले आक्रान्त अछाममा व्यापारीले मनपरी मूल्य असुल्न थालेपछि जिल्ला प्रशासन कार्यालय अछामले अत्यावश्यक खाध्यन्न बस्तुको मूल्य सार्वजनिक गरेको हो । जिल्लामा बैशाख १९ गतेदेखि लकडाउन भएदेखि नै कृत्रिम अभाव, कालोबजारी भएको र सहज आपूर्ति भएको थिएन ।

जिल्लामा कालोबजारी र बृतिम अभाव भएको सम्बन्धमा रेडियो बान्निगढीले पटक पटक समाचार प्रसारण र बान्निगढी टुडेले समाचार प्रकासन गर्दा जिल्ला उद्योग बाणिज्य संघ अछामले केही बजारहरूमा बजार अनुगमन गरेको थियो ।

जस अनुसार जिल्ला प्रशासन कार्यालयले पनि अत्यावश्यक बस्तुको मूल्य निर्धारण गरेको जनाएको छ ।

उद्योग वाणिज्य सङ्घले मूल्य निर्धारण गरेको कुनै पनि सामानमा बढी मूल्यमा खरिद भएमा, कानुन बमोजिम सहज आपूर्ति नभएमा उपभोक्ता संरक्षण ऐन,२०७५ अनुसार कारबाही गर्ने सहायक प्रमुख जिल्ला अधिकारी रञ्जन प्रसाद तिमिल्सैनाले बताउनु भयो ।

दैनिक उपभोग्य का बस्तुको मूल्य सुचि तपाई बान्निगढी टुडे डटकममा पढ्न सक्नुहुन्छ ।