Techie IT

कोरोना नियन्त्रणमा सक्रिय नगर प्रमुख कुँवर, सङ्क्रमितलाई मनोबल उच्च बनाउन सुझाव


बयालपाटा अस्पतालमा निर्माण गरिएको अस्थायी इमेरजेन्सिको अवलोकन गरिएको छ ।

इमेरजेन्सिलाई आइसोलेसन कक्ष बनाउँदा साँफेबगर नगरपालिका द्वारा निर्माण गरिएको अस्थायी इमेरजेन्सिको नगरप्रमुख कुल बहादुर कुवरको एक टोलीद्वारा अवलोकन गरिएको हो । वयलपाटा अस्पतालमा उपचारार्थ कोरोना सङ्क्रमित सँग पनि भेटघाट गर्नुका साथै वयलपटा अस्पताल अस्पतालको अवस्थाका बारेमा बुझ्नुभएको छ ।

वयलपटा अस्पताल तत्काल देखिएको समस्याका बारेमा मेडिकल निर्देशक डा. मन्दिप पाठकसँग जानकारी लिनुभएको छ ।

मेडिकल निर्देशक डा. पाठकले वयलपाटा अस्पतालको सहयोगमा कोरोना सङ्क्रमितको उपचारमा अहिले सहज भएको धारणा व्यक्त गर्नुभयो । उहाँले तत्काल अहिले अस्पतालको सिटामोलको समस्या रहेको बारेमा नगर प्रमुख कुँवरलाई जानकारी गराउनु भयो ।

नगर प्रमुख कुँवरले बुधवार वयलपाटा अस्पताललाई औषधी उपलब्ध गराउने नगर प्रमुख कुँवरले जानकारी दिनुभयो । यस्तै उहाँले अन्य आवश्यक थप स्वास्थ्य सामग्रीको लागि पनि पहल गर्नुभएको छ ।

डा. पाठकले जिल्लाका सबै पालिका, बाजुरा र डोटीका केही पालिकाले अस्पताललाई सहयोग गर्ने प्रतिबद्धता जनाए पनि साँफेबगर बाहेक कुनै पालिकाबाट सहयोग नआएको जानकारी दिनुभएको छ ।

प्रतिबद्धता अनुसार सहयोग नहुँदा अस्पताल सञ्चालनमा समस्या रहेको उहाँको भनाई रहेको छ । नगर प्रमुख कुँवरले नगरपालिकासँग यो वर्ष रकम नभए पनि उदारो स्वास्थ्य सामग्री ल्याएर भए पनि उपलब्ध गराउने पनि प्रतिबद्धता जनाउनुभएको छ ।

साँफेबगरमा कोरोना संक्रमतिको सख्या पनि बढ्दै गएको छ । साँफेबगर नगरपालिकामा ५८ महिला र ९६ जना पुरुष गरी १ सय ५४ जना कोरोना सङ्क्रमित रहेका छन् भने चार जनाको कोरोना सङ्क्रमणबाट ज्यान गइसकेको छ ।


क्याटेगोरी : मुख्य समाचार, समाचार, समाज, स्थानीय, स्वास्थ्य


प्रतिक्रिया दिनुहोस


error: Content is protected !!