पानी पर्दा कैलाश खोला क्षेत्रका नागरिक त्रासमा, खोलामा पानीको बहाव बढ्यो

एकेन्द्र खत्री २०७८ जेठ ६, बिहीबार ११:३९

वर्षा सुरु भयसँगै अछामको रामारोशन गाउँपालिका कैलाश खोला क्षेत्रका नागरिक पानी पर्दा फेरी त्रासमा बस्न थालेका छन् ।

बुधवार राती देखी लगातार वर्षा भएपछि कैलाश खोला क्षेत्रका नागरिक बाढीको त्रासले रातभर सुत्न नसकेको बताउँछन् ।

गत वर्षको बाढीमा कैलाश खोलामा आएको बाढीले धेरै जनधनको क्षेती गरेको कैलाश खोला क्षेत्रका नागरिक पानी पर्दा चिन्तित भएको बताउँछन् ।

बर्खा सुरु भयसँगै कैलाश खोलामा पनि पानीको बहाव बढेको र यो वर्ष पनि खोलामा बाढी आउने सम्भावना भएकाले चिन्तित भएको खाल बजारमा व्यापार गरी बस्ने रविन्द्र खनालले बताउनुभयो ।

बुधवार रातिदेखि निरन्तर वर्षा भएपछि कैलाश खोलामा पानीको बहावसमेत बढेको छ ।

अछामका लेकाली क्षेत्रमा पानी परेपछि खोलामा पानीको सतह बढ्ने र वारिपारिका ठाउँमा कटान सुरु हुन्छ । यहाँ स्थानीयको सयौँ बिघा जमिन नदीमा मिसिएको छ ।

गत वर्ष आएको बाढीले रामारोशनको कैलाश खोला आसपासका खेती बालुवामा परिणत भएका थिए । यो वर्ष पनि पूर्व तयारी नहुँदा थप चिन्ता थपेको छ ।

क्याटेगोरी : मुख्य समाचार, समाचार, समाज, स्थानीय, हेडलाईन