अक्सिजन सहितको १० बेडको अस्पताल सञ्चालन गदैछौ : अध्यक्ष साउँद (कुराकानी सहित)

धनराज साउँद २०७८ जेठ ६, बिहीबार २३:०४

रामारोशन गाउँपालिका अध्यक्ष झँकर साउँद

रामारोशन गाउँपालिका अध्यक्ष झंकर बहादुर साउँदले कोरोना सङ्क्रमण रोकथाम तथा सङ्क्रमितको व्यवस्थापन आवश्यक तयारी तीव्र पारिएको बताउनु भएको छ ।

विकास निर्माणका क्रियाकलापलाई भन्दा पनि कोरोना सङ्क्रमण रोकथाम तथा नियन्त्रणका लागी आवश्यक क्रियाकलाप सञ्चालनमा जोड दिइएको अध्यक्ष साउँदले बताउनु भएको हो ।

हाल रामारोशन गाउँपालिकामा सङ्क्रमण रोकथामसँगै सङ्क्रमितको उपचारका लागी गाउँपालिकामा १० वटा सिलिन्डर व्यवस्थापन गरिसकेको र अक्सिजन सहितको १० बेडको अस्पताल सञ्चालनका लागी तयारी तीव्र पारिएको अध्यक्ष साउँदले बताउनुभयो ।

गाउँपालिका अध्यक्ष साउँदका अनुसार गाउँपालिकामा ५ बेडको कोभिड अस्पताल तयारी अवस्थामा रहेको र कोरोना सङ्क्रमितको उपचारको लागि १० थान अक्सिजन सिलिन्डरको व्यवस्था गरिएको छ ।

पालिकामा निषेधाज्ञासँगै अत्यावश्यक सेवा दिइएको र कोरोना परीक्षणको दायरामा वृद्धि गर्नुका साथै सचेतनाका कार्यक्रममा जोड दिइएको साउँदले बताउनुभयो ।

रेडियो बान्नीगढीसंग संक्षिप्त कुराकानी गर्दै उहाँले गाउँपालिकाका विकास निर्माण कार्य भन्दा कोरोना सङ्क्रमण रोकथामका लागि सरोकारवाला सँग छलफल गर्दै कोरोना नियन्त्रणमुखी बजेट विनियोजित गर्ने प्रतिबद्धता व्यक्त गर्नु भएको छ ।

विकसित रुपमा फैलिएको कोरोना महामारी नियन्त्रणका लागी पालिकाको पहलमा मात्र सबै कुरा सम्भव नहुने बताउँदै उहाँले सङ्क्रमण रोकथामका लागी सबै नागरिक तथा सरोकारवाला जिम्मेवार हुनुपर्नेमा जोड दिनु भएको छ ।

रामारोशन गाउँपालिका अध्यक्ष झंकर साउँदसंग गरिएको कुराकानी :-