Techie IT

रेडियो बान्नीगढीको अध्यक्षमा रतन साउँद चयन


रेडियो बान्नीगढीको अध्यक्षमा रतन बहादुर साउँद चयन हुनु भएको छ ।

रेडियो बान्नीगढीको मातृ संस्था बान्नीगढी सञ्चार समूहको शनिवार सम्पन्न साधारण सभाबाट अध्यक्षमा साउँद सर्वसम्मत रूपमा चयन हुनु भएको हो ।

संस्थाको अध्यक्षमा सर्वसम्मत रूपमा चयन भएसँगै अध्यक्ष साउदले संस्थालाई थप उचाइमा पुर्‍याउन विगतका अनुभवहरूलाई सँगाल्दै अघि बढ्ने प्रतिबद्धता जनाउनु भएको छ ।

संस्थाको उपाध्यक्षमा चन्द्रसिंह लुहार,सचिवमा धनराज साउँद,सह सचिवमा रेवन्ती ठकुल्ला,कोषाध्यक्षमा कुन्ता शाह र सदस्यहरुमा तपेन्द्र भण्डारी,गणेश साउँद,नरेन्द्र खड्का,लोचन स्वार,हर्क साउँद,सुशीला खत्री चयन भएका छन् ।

यस्तै लोकेन्द्र साउँदको संयोजकत्वमा सल्लाहकार समिति गठन गरिएको छ । समितिमा केशर साउँद,ज्योति साउँद,तरुण खड्का नवराज खत्री सदस्य रहेका छन् ।

रतन बहादुर साउँदको अध्यक्षतामा भएको साधारण सभामा बान्नीगढी जयगढ गाउँपालिका उपाध्यक्ष लोक बहादुर साउँद प्रमुख अतिथि रहनु भएको थियो ।

कार्यक्रममा बोल्दै प्रमुख अतिथि साउँदले सञ्चार जगतमा रेडियो बान्नीगढीले बनाएको छविको प्रशंसा गर्दै निष्पक्ष रूपमा पत्रकारीताको धर्म पुरा गर्नुपर्नेमा जोड दिनु भएको छ ।

रेडियो बान्नीगढीले सामाजीक क्षेत्रमा समस्यामा परेकाहरूको आवाज बुलन्द पार्नुका साथै अनियमितताका विरुद्ध बिगुल फुक्दै आएकोमा यस्ता कार्यलाई निरन्तरता दिन आग्रह गर्नुभयो ।


क्याटेगोरी : बान्नीगढी बिशेष, मुख्य समाचार, राष्ट्रिय, समाचार, स्थानीय, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस