सुदूरपश्चिमका आर्थिक मामिला तथा योजनामन्त्री प्रकाशबहादुर शाहले राजीनामा दिइसकेका छन्। उनीसंगै अर्थ राज्यमन्त्री अर्चना गहतराजले पनि राजीनामा दिएकी छिन्। पार्टी विभाजनपछि पनि नेकपा एमालेमै रहने निर्णय गरेका शाह र गहतराजले राजीनामा दिएपछि रिक्त पदका लागि प्रदेश सांसदले दाबी पेश गर्न थालेका छन्।
माधव कुमार नेपाल नेतृत्वको नेकपा ९एकीकृत समाजवादी० बाट दुई मन्त्रीका लागि आधा दर्जनले आकांक्षा देखाएका छन्। मन्त्रीको लागि सांसदहरु तारालामा तामाङ्ग, प्रकाश रावल, अमरबहादुर साउँद, कुलवीर चौधरी, माया भट्ट, दुर्गा कामी, माया तामाङ्ग बोहरा, बलबहादुर सोडारी लगायतले आकाक्षा राखेका छन्।
तीमध्ये तारालामा तामाङ्ग आर्थिक मामिला तथा योजना मन्त्रालयको जिम्मेवारी पाउन सक्ने सम्भावना रहेको समाचार स्रोतको दाबी छ। ‘तामाङ प्रदेश सरकार गठन भएदेखि नै मन्त्रीका दाबेदार हुन्, तर अहिलेसम्म उनले मौका पाएका छैनन्, त्यसैले सम्भावना उनकै हो,’ एकीकृत समाजवादीका एक सांसदले भने। यता सांसद तामाङले भने अहिले नै सोबारे टुंगो लाग्न नसकेको बताए।
कञ्चनपुर निर्वाचन क्षेत्र नम्बर १ ९क० बाट विजयी तारालामा तामाङ्गले तत्कालीन नेकपा एमालेमा सुदूरपश्चिम प्रदेशको प्रमुख सचेतकको जिम्मेवारी समेत सम्हालिसकेका छन्। माधव नेपाल निकट उनी एमाले कञ्चनपुरको अध्यक्ष पनि थिए। नेकपा एमाले विभाजनपछि तामाङ्गले एकीकृत समाजवादी रोजेका हुन्।
प्रदेश सभा सदस्यको २० प्रतिशत भन्दा बढी सांसदलाई मन्त्री बनाउन नपाउने व्यवस्था छ। अहिले सुदूरपश्चिममा मुख्यमन्त्री सहित ९ मन्त्री छन्। एकीकृत समाजवादीकी पूर्णा जोशीले आन्तरिक मामिला तथा कानून मन्त्रालय, लाल बहादुर खड्काले सामाजिक विकास मन्त्रालय, दीर्घ सोडारीले भौतिक पूर्वाधार मन्त्रालयको जिम्मेवारी पाएका छन्।
यस्तै एकीकृत समाजवादीका दुई जना राज्यमन्त्री ९मना कुमारी साउँद र चुनु कुमारी चौधरी० पनि प्रदेश सरकारमा छन्। उता माओवादी केन्द्रकी विनिता देवी चौधरी भूमि व्यवस्था, कृषि तथा सहकारी मन्त्रालय, राज्यमन्त्री मान बहादुर सुनार र मान बहादुर धामीले उद्योग, पर्यटन, वन तथा वातावरण मन्त्रालय पाएका छन्।
दिनेश खवरबाट
क्याटेगोरी : मुख्य समाचार, राजनीति, राष्ट्रिय, स्थानीय, हेडलाईन
थप समाचार
धेरै पढिएका
ताजा अपडेट
- १ पेसागत संघ सङ्गठनका प्रतिनिधिको बैठक मेल्लेखमा सम्पन्न, के भए निर्णय ?
- २ अछाममा काँग्रेसको पालिका अधिवेशन सकियो, कहाँ को भए सभापति ?
- ३ विद्यालय नियमित सँन्चालन राख्नका लागि सबैले सोच्नु पर्छ: शिक्षक र विद्यार्थी
- ४ उपभोक्ताको सजिलोका लागि गरिएको निर्णय सर्वोच्चको आदेशले रोकियो स् सचिव श्रेष्ठ
- ५ नेपालमा कोरोना सङ्क्रमण दर ६ प्रतिशतमा झर्यो
- ६ एमाले बैठकस्थल छाडेर हिँडे भीम रावल
- ७ तालिबानको डरले अफगानिस्तानको आकाश नछोई अमेरिका गयो मोदी सवार विमान
- ८ पञ्चदेवल विनायकमा काँग्रेस नगर कार्यसमिति चयन गर्न निर्वाचन सुरु
प्रतिक्रिया दिनुहोस