Techie IT

परिवार नियोजन दिवस : अछाममा परिवार नियोजन गर्नेमा महिलाको संख्याको बढि (कुराकानी सहित)


अछाममा परिवार नियोजन सम्बन्धी अझै पनि खुलेरै बहस हुन नसक्दा अपेक्षाकृत नतिजा हाँसील गर्न कठिनाइ भएको छ ।

परिवार नियोजन सेवाका विषयमा खुलेरै बहस हुन नसक्दा अछाममा परिवार नियोजन कार्यक्रमले अपेक्षाकृत सुधार ल्याउन नसकेको देखिएको हो । परिवार नियोजन साधनहरूको प्रयोग दर तथा पहुँचका सूचकहरू वर्षाैंदेखि स्थिर रहेकाले कार्यक्रम प्रभावकारिता कम देखिएको छ ।

स्वास्थ्य कार्यालय अछामका प्रमुख जनस्वास्थ्य अधिकृत झनकराज ढुङ्गानाका अनुसार अछाममा परिवार नियोजनका साधनको प्रयोग दर ३३ प्रतिशत रहेको छ । सन २०३० सम्म नेपालमा परिवार नियोजन दर ६० प्रतिशत पुर्‍याउने दिगो विकास लक्ष राखिएको भए पनि अछाममा परिवार नियोजन दर ३३ प्रतिशत मात्र रहेको तथ्याङ्कले देखाएको छ ।

जिल्ला अस्पताल मंगलसैनका निमित्त मेडिकल सुपरिटेन्डेन्ट सोनाली बास्कोटाका अनुसार अछाममा अझै पनि परिवार नियोजन र यसको प्रयोगका विषयमा खुलेर कुरा नगर्ने,लजाउने जस्ता कारणले पनि परिवार नियोजन दर बढ्न नसकेको हो ।

अछाममा परिवार नियोजनका साधन प्रयोग गर्नेमा महिलाको सङ्ख्या बढी रहेको छ । डाक्टर बास्कोटाका अनुसार अछामका पुरुषहरू प्राय गरी रोजगारीका लागी भारत लगायतका देशमा गइरहने भएकाले पनि परिवार नियोजन गर्नेमा महिलाको सङ्ख्या बढी भएको हो ।

जिल्लामा इम्प्लान्ट प्रयोग गर्ने महिलाहरूको सङ्ख्या भने वृद्धि भएको उहाँले बताउनुभयो । परिवार नियोजनका साधन प्रयोग गर्दा स्वास्थ्यमा असर पर्छ भन्ने गलत बुझाइका कारण पनि परिवार नियोजन दर वृद्धि हुन नसकेको उहाँको भनाइ छ ।

यसै बिच आज हामीले परिवार नियोजन दिवसका अवसरमा जिल्ला अस्पताल अछामका निमित्त मेडिकल सुपरिटेन्डेन्ट डाक्टर सोनाली बाँस्कोटासंग अछाममा परिवार नियोजनको अवस्थाका विषयमा कुराकानी गरेका छौ ।

कुराकानी : सोनाली बाँस्कोटा


क्याटेगोरी : मुख्य समाचार, समाचार, स्थानीय, स्वास्थ्य, हेडलाईन

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस