नेपाल रेडक्रस सोसाइटी उपशाखा तिमिल्सैनको नयाँ नेतृत्व चयन

धनराज साउँद २०७८ पुस १७, शनिबार १५:४३

नेपाल रेडक्रस सोसाइटी उपशाखा तिमिल्सैनको अधिवेशन नयाँ नेतृत्व चयन गर्दै सम्पन्न भएको छ ।

नेपाल रेडक्रस सोसाइटी उपशाखा तिमिल्सैनका सभापति विजय खत्रीको अध्यक्षतामा सम्पन्न भएको अधिवेशनबाट उप शाखाको नयाँ नेतृत्व चयन गरिएको हो ।

अधिवेशन कार्यक्रममा नेपाल रेडक्रस सोसाइटी अछामका जिल्ला कार्य समिति सदस्य एकेन्द्रराज शर्मा तिमिल्सैना प्रमुख अतिथि रहनु भएको थियो भने समाजसेवी तीलक बहादुर खत्री र वडा अध्यक्ष कर्ण ठकुल्ला विशिष्ट अतिथि रहनु भएको थियो ।

अधिवेशनबाट खकेन्द्र प्रसाद शर्माको सभापतित्वमा ११ सदस्यीय नयाँ कार्य समिति सर्वसम्मत रुपमा चयन गरिएको निवर्तमान सभापति विजय खत्रीले जानकारी दिनुभयो ।

बसन्ती खत्रीले स्वागत गर्नु भएको अधिवेशन कार्यक्रमको सञ्चालन सदस्य शिद्धराज जैशीले गर्नु भएको थियो ।

क्याटेगोरी : मुख्य समाचार, समाचार, समाज, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।