कोरोना कहर : स्वास्थ्यका मापदण्ड पालना गरेर भए पनि विद्यालय खुल्ने इकाइ प्रमुख गिरीको दावी

नीराजन भण्डारी २०७८ माघ २२, शनिबार २०:०८

शिक्षा विकास तथा समन्वय इकाई अछामका प्रमुख लक्ष्मण गिरीले कोरोना भाइरसको प्रभावका कारण बालबालिकाको शैक्षिक गुणस्तर खस्कन सक्ने भएकाले यस तर्फ ध्यान दिनु पर्ने बताउनु भएको छ ।

कोरोना भाइरस नियन्त्रणका लागी बेला बेला भएका निषेधाज्ञाका कारण विद्यालय बन्द हुन पुगेकोले विद्यार्थीको शैक्षिक गुणस्तर खस्किन नदिन शिक्षक,अभिभावक तथा सरोकारवाला जिम्मेवार बन्नुपर्ने बताउनु भएको हो ।

रेडियो बान्नीगढीसँग कुराकानी गर्दै उहाँले गत वर्षको शैक्षिक सत्रमा शैक्षिक गतिविधिमा नकारात्मक असर परेकाले यस वर्षमा त्यस्तो अवस्था आउन नदिन घरमा अभिभावकले पनि पढ्ने वातावरण बनाउन जरुरी रहेको बताउनुभयो ।

पालिकाहरूले पनि बिद्यार्थीहरुको शैक्षिक स्थिति खस्किन नदिन बिभिन्न क्रियाकलाप सञ्चालनमा जोड दिएको बताउँदै उहाँले विद्यार्थीहरूले पनि पढाई लेखाइमा चासो राखेर शैक्षिक गतिविधिमा लगनशिल भएर लाग्न आग्रह गर्नुभयो ।

विद्यालयका बालबालिकालाई कोभिड विरुद्धको खोप समेत दिइएकाले कोरोनाको जोखिमलाई मध्यनजर गर्दै स्वास्थ्यका मापदण्ड पालना गरेर भए पनि विद्यालय खुल्ने गिरीको भनाई छ ।

विद्यालय मात्र अध्ययन गरेर नपुग्ने भएको अभिभावकले आफ्नो नानीबाबुलाई पढाई लेखाइमा सहज वातावरणको सिर्जना गराउनु पर्ने र नानीबाबुले अध्ययन गरिरहेका छन् कि छैनन् भन्ने कुरामा ख्याल गर्नु पनि अभिभावकको दायित्व हुने उहाँले बताउनु भयो ।

कुराकानी : लक्ष्मण गिरी