अध्ययनविनै खनिएका सडकका कारण देशभरि नागरिकलाई सास्ती

जथाभावी सडक नखन्न स्थानीय सरकारहरुलाई संघको आग्रह

अध्ययन बिनै जथाभावी खनिएका सडकले मुख्य ठूला राजमार्गमा असर गरेको छ । पूर्व तयारी र अध्ययनविनै खनिएका सडकका कारण नागरिकले सास्ती पाइरहेका छन् । वातावरणिय मूल्याङ्कन र पर्याप्त अध्ययन विना सडक निर्माण गरिएका कारण अहिले देशका ठाउँ ठाउँका सडक पहिरो र बाढीका कारण अबरुद्ध बनेका छन् ।

संघीय सरकारले जथाभावी ग्रामीण सडक नखन्न स्थानीय सरकारहरुलाई अनुरोध गरेको छ । राम्रो अध्ययन बिना खनिने त्यस्ता सडकले ठूला राजमार्गलाई असर गरेको भन्दै सरकारले यसतर्फ सचेत हुन आग्रह गरेको हो । मुख्य राजमार्ग माथिका डाँडामा खनिएका शाखा सडकका कारण विशेषतः वर्खाको समयमा पहिरोले मुख्य ठूला राजमार्ग रोकिएको भन्दै सडक विभागले जथाभावी सडक खन्ने काम रोक्न आग्रह गरेको छ । पत्रकारसंग कुराकानी गर्दै सडक विभागका उप महानिर्देशक शिवहरी सापकोटाले सडक खन्नुपूर्व इन्जिनियरसँग सल्लाह गरेर र सडक विभागलाई एकपटक सोधेर मात्रै काम अगाडी बढाउन आग्रह गर्नुभयो । निरन्तरको वर्षा र त्यसपछिको बाढी, पहिरोका कारण अहिले देशका ९ भन्दा बढि मुख्य राजमार्ग अवरुद्ध छन् । CIN

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker