अछाममा बाघको आतंक

धनराज साउँद २०७६ असार १९, बिहीबार १३:५१

अछामको मंगलसैन नगरपालिका २ मिस्तुरुमा जंगली जनावर बाघले आतंक मच्चाएको छ ।

वडाको गोलाघाट लेखमा बाघले स्थानीयका पशुचौपाया निरन्तर आक्रमण गरेर मार्न थालेको हो । बाघले गोठमै पसेर तथा जंगलमा चराँउन लगेको समयमा बाख्रा मार्ने गरेको स्थानीयले बताएका छन ।

बाघले ४ दिन यता स्थानीय किसानका ७ बाख्रा मारेको छ भने ५ बाख्रा अझैं हराईरहेको वडानम्वर २ का अध्यक्ष मानबहादुर बोगटीले बताँउनुभयो ।

बाघले स्थानीय कम्माने कामीका ५ बाख्रा र बासु कामीका २ बाख्रा मारिदिएको उहाँको भनाई छ ।

गोलाघाट लेखमा चराँउन लिएको अवस्थामा कम्माने कामीका ५ बाख्रा हराएका भन्दै उहाँले बाघले मारेको हुनसक्ने आशंका रहेको बताँउनुभयो ।

बाघले निरन्तर गोठमा पसेर बाख्रा मार्ने तथा जंगलमा पनि आक्रमण गर्ने गरेकोले स्थानीयवासि पनि त्रसित रहेको वडा अध्यक्ष बोगटीले जानकारी दिनुभयो ।

क्याटेगोरी : समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।