बुढीगंगा नदी थुनिदा बाजुरा र अछाम उच्च जोखिममा , स्थानीय त्रासै त्रासमा रात बिताउदै

धनराज साउँद २०७६ साउन २, बिहीबार १९:०६

निरन्तर पहिरो खस्दै गएपछि बुढीगंगा नदी थुनिँदै गएको छ । नदी थुनिँदा बाजुरा र अछामका त्रिवेणी र साँफे आसपासका क्षेत्र जोखिममा पर्ने खतरा बढेको छ ।

यस क्षेत्रका मानव बस्तीसहित कृषि योग्य जमिन डुबानमा पर्ने र मार्तडी साँफे सडक खण्ड अवरुद्ध हुने सम्भावना बढेपछि सबैलाई सुरक्षित स्थानमा सर्न आग्रह गरिएको छ ।

वर्षात शुरु भएसँगै अछामको साँफे र बाजुराको त्रिवेणी नगर जोखिममा पर्ने गरेका छन् । त्रिवेणीको ९ पैमा र द्वारीमा पहिरो जान थालेपछि बढीगंगा थुनिँदै गएको हो ।

नदि थुनिन थालेपछि अछाम र बाजुराका सथानीय त्रासै त्रासमा रात बिताउन बाध्य भएका छन । पहिरोले नदी थुनिने जोखिम बढेसँगै सडक समेत अवरुद्ध हुने भएपछि सतर्कता अपनाइएको स्थानीय प्रशसनले जनाएको छ ।

क्याटेगोरी : समाचार, स्थानीय, हेडलाईन