जनप्रतिनिधि नै छुवाछुतबाट पीडित

गुल्मीको धुर्कोट गाउँपालिकाका वडासदस्यहरूले छुवाछुतबाट आफूहरू पीडित भएको बताएका छन् ।

सदरमुकाम तम्घासमा रेसुङ्गा दलित महिला सञ्जालद्वारा आयोजित दलित महिला प्रतिनिधिका चुनौति विषयक कार्यक्रममा सहभागि सबैजसो दलित महिला जनप्रतिनिधिहरूले जातिय छुवाछूत कायम रहेको भन्दै आफूहरु विभेदमा परेको बताएका हुन् ।

गाउँपालिका ५ वस्तुकी वडासदस्य एवम् गाउँकार्यपालिका सदस्य सरस्वती सुनारले भोज–भतेर, मन्दिर लगायतका स्थानमा विभेद हुने गरेको, वडा वा गाउँपालिकाका उच्च पदस्थहरूले आफूहरूका कुरा नसुनेको जस्ता गुनासा गर्नुभयो । सत्यवती गाउँपालिका ४ का वडासदस्य झरना परियारले वडा र गाउँपालिकाले दलितहरूको क्षेत्रमा बजेट विनियोजन गर्न नमान्ने गरेको गुनासो गर्नुभयो । उहाँले आफूहरू पहिलेभन्दा अहिले निर्धक्ककासाथ बोल्न सक्ने भएपनि गाउँ कार्यपालिकाका अन्य सदस्यहरूले वास्ता नगर्ने गरेको बताउनुभयो ।

कार्यक्रममा बोल्दै प्रमुख अतिथि, दलित महिला संघका जिल्ला अध्यक्ष कमला बरालले दलित महिला प्रतिनिधिहरू अझै पनि समाजबाटै उपेक्षित हुनु दुःखद् विषय रहेको भन्दै अधिकार प्राप्तिका लागि अझै दलितहरूले सङ्घर्ष गरिरहनु परेको बताउनुभयो ।

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker