कपिलवस्तु कृष्णनगरकी २७ वर्षीय एक कोरोनाभाइरस संक्र,मित महिलाले बच्चा जन्माएकी छन् । नेपालगन्ज मेडिकल कलेज कोहलपुरमा शनिबार बिहान करिब ६ बजे ती महिलाले शिशुलाई जन्म दिएकी हुन्। प्रसुतीमा संलग्न रहेका डाक्टर मलेन्द्रप्रसाद कुसबाहाले महिलाको शल्यक्रियामार्फत् बच्चा जन्मिएको बताए।
उनकाअनुसार ती महिला शुक्रबार राति करिब १ बजे अस्पताल आइपुगेकी थिइन्। ‘शिशुको तौल दुई किलो चार सय ग्राम छ। आमा र शिशुको स्वास्थ्य सामान्य छ,’ उनले भने। पेट दुखेको बताएकी महिलालाई रूपन्देहीको भीम अस्पतालले रिफर गरेको थियो। ती महिला एक महिनाअगाडि भारतबाट फर्केर रूपन्देहीमा क्वारेन्टिनमा थिइन्। पिसिआर परीक्षण गर्दा जेठ ३० गते उनमा कोरोना संक्रमण देखिएको अस्पतालका प्रवन्ध निर्देशक डाक्टर सुरेशकुमार कनौडियाले बताए ।
नेपालगन्ज मेडिकल कलेजलाई सरकारले कोभिड– १९ को लेभल थ्री अस्पतालमा राखेको हुँदा सरकारी निर्देशिका अनुसार रुपेन्देहीबाट सुत्केरी गराउन ती महिलालाई नेपालगन्ज ल्याउनु परेको कनौंडियाको भनाइ छ। उनकाअनुसार शिशु र आमाको पुन: स्वाब संकलन गरी पिसिआर परीक्षणका लागि पठाइएको छ। रिपोर्ट आइसकेको छैन। रिपोर्ट नेगेटिभ आएमा डिस्चार्ज गरिने र पोजेटिभ आए कम्तिमा थप १४ दिन अस्पतालमै राखिने उनले बताए।
क्याटेगोरी : समाचार, समाज, स्वास्थ्य
थप समाचार
धेरै पढिएका
ताजा अपडेट
- १ टर्की र सिरियामा भूकम्पका कारण ज्यान गुमाउनेको सङ्ख्या ११ हजार नाघ्यो
- २ हेल्मेटभित्र १८ लाख रुपैयाँ लुकाएर नेपाल आउँदै गरेका दुई भारतीय नागरिक पक्राउ
- ३ अछाम रेशम तिमिल्सैना हत्या प्रकरण : अभियुक्त शाही विरुद्ध जन्मकैदको फैसला
- ४ ढकारी गाउँपालिकामा चिउरी प्रसोधन केन्द्र संचालनमा
- ५ संसदीय दलको नेता चयनसँगै नयाँ सरकार गठनको कसरत, प्रधानमन्त्री बन्न देउवा र प्रचण्डको होड
- ६ अछामका १० स्थानीय तहका ४० मुद्धा अख्तियारमा
- ७ प्रतिनिधिसभाका २७४ सांसदको सपथ आज
- ८ घाँटीमा मासु अड्किएर दैलेखमा १ जनाकाे ज्यान गयाे
प्रतिक्रिया दिनुहोस