मंगलसेन नगरपालिका द्धारा वडा नम्वर ४ मा ब्यक्तिगत घट्ना दर्ता कार्य अनलाईन प्रणालीबाट सुरु

धनराज साउँद २०७७ असोज २, शुक्रबार १९:४०

होम साउद, अछाम १ असोज

मंगलसेन नगरपालिकाले ब्यक्तिगत घट्ना दर्ता कार्य अनलाईन प्रणाली मार्फत सुरु गरेको छ । वडानम्वर ४ बाट औपचारीक रुपमा अनलाईन घट्ना दर्ता कार्य सुरु गरिएको हो ।

बिद्युतिय शासन प्रर्बद्धनमा जोड दिने लक्ष सहित ब्याक्तिगत घट्ना दर्ता कार्यलाई अनलाईन प्रणाली मार्फत गर्न लागिएको नगरपालिकाले जनाएको छ ।

हाललाई ईन्टरनेटको पहुँच पुगेका वडामा अनलाईन प्रणाली मार्फत ब्याक्तिगत घट्ना दर्ता कार्य गरिने र आगामि दिनमा अन्य वडामा पनि बिस्तार गरिने नगरपालिकाले जनाएको छ ।

जन्मदर्ता प्रमाणपत्र हस्तान्तरण गर्दै नगरप्रमुख पदमबहादुर बोहराले अथक प्रयास पछि वडानम्वर ४ लाई अनलाईन प्रणाली मार्फत घट्ना दर्ता सुरु गर्न सफल भएकोमा एम आई एस कर्मचारी र वडा कार्यालयलाई धन्यवाद दनिुभयो ।

नगरमार्फत प्रवाह हुने सबै प्रकारका सेवालाई छिटो छरितो र प्रभावकारी बनाउन अनलाईन प्रणाली प्रभावकारी हुने विश्वास ब्याक्त गर्नुभयो ।

अन्य वडामा पनि ईन्टरनेटको पहुँच विस्तार गरि अनलाईन घट्ना दर्तालाई ब्यावस्थित बनाईने बताउनुभयो । परिवर्तित परिस्थितीलाई मध्यनजर गरेर अन्य शाखाका काम कार्यलाई पनि जिम्मेवारीपूर्वक छरितो र सेवाग्राही मैत्री बनाउन आग्रह गर्दै बोहराले उत्कृष्ट र नमूना नगर बनाउन सबैको प्रयत्न आवश्यक हुने बताउनुभयो ।

प्रमाणपत्र हस्तान्तरण कार्यक्रममा नगर उपप्रमुख सरिता उपाध्याय, वडानम्वर ४ का अध्यक्ष पदम बहादुर धामी, निमित्त प्रमुख प्रशासकीय अधिकृत खकेन्द्र बहादुर सोडारी, स्टोरकिपर नरेश बहादुर कठायत लगायतको सहभागिता रहेको नगरपालकिाका एम आई एस अपरेटर होम साउदले जानकारी दिनुभयो ।

क्याटेगोरी : समाचार, स्थानीय, हेडलाईन

धनराज साउँद

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।