बिहीवारदेखि वर्षा र हिमपातको सम्भावना, धेरै ठाउँमा पानी पर्ने माैसमविद्को अनुमान
ढिलै भए पनि नेपालमा हिउँदे वर्षा र हिमपात हुने भएको छ ।
पर्सि बिहीवारदेखि वर्षा र हिमपातको सम्भावना रहेको मौसमविद्ले बताएका छन् । नेपालमा पानी पार्ने पश्चिमी वायुको प्रणाली भित्रिन लागेकाले पर्सिदेखि तीन दिनसम्म मौसम बद्ली भएर वर्षा हुने सम्भावना रहेको मौसमविद् शान्ति कँडेलले बताउनुभयो । उहाँकाअनुसार अहिलेसम्मको अवस्थाले पर्सि पश्चिमी क्षेत्रबाट यो प्रणाली प्रवेश गर्ने देखिएको छ ।
यो प्रणाली प्रवेश गरेपछि पश्चिमी क्षेत्रसँगै देशका अन्य ठाउँमा पनि पानी पर्ने मौसमविद् कँडेलले बताउनुभयो । मौसम पूर्वानुमान महाशाखाले यसबारे प्रेस विज्ञप्ति नै निकालेर सार्वजनिक गर्ने तयारी गरेको छ । लामो समयदेखि वर्षा र हिमपात नहुँदा वायु प्रदूषणसँगै सुक्खापन बढेको छ । बालीनालीमा नोक्सानी पुगेको छ ।
केही समयअघि पश्चिम र सुदूरपश्चिमका केही ठाउँमा पानी परे पनि देशका अन्य क्षेत्रमा झण्डै ५ महिनादेखि वर्षा भएको छैन । यसैबीच, अहिले देशका धेरै ठाउँमा हुस्सु कुहिरो लागेको छ । तराईका जिल्लामा केही दिनदेखि नै बाक्लो हुस्सु र कुहिरो लागेकाे छ । दिउँसो पछि भने हुस्सु र कुहिरो हट्ने भएकाले तराईका जिल्लामा शीतलहरको औपचारिक घोषणा गरिएको छैन ।
काठमाण्डौ उपत्यकासहित आसपासका क्षेत्र र पहाडी जिल्लामा लागेको कुहिरो बिस्तारै हट्न थालेको छ । आज काठमाण्डौको न्यूनतम तापक्रम २ दशमलव ७ डिग्री सेल्सियस छ भने अधिकतम तापक्रम १८ देखि २० डिग्री सेल्सियससम्म पुग्ने अनुमान गरिएकाे छ ।
क्याटेगोरी : समाचार, समाज, हेडलाईन
थप समाचार
धेरै पढिएका
ताजा अपडेट
- १ पेसागत संघ सङ्गठनका प्रतिनिधिको बैठक मेल्लेखमा सम्पन्न, के भए निर्णय ?
- २ अछाममा काँग्रेसको पालिका अधिवेशन सकियो, कहाँ को भए सभापति ?
- ३ विद्यालय नियमित सँन्चालन राख्नका लागि सबैले सोच्नु पर्छ: शिक्षक र विद्यार्थी
- ४ उपभोक्ताको सजिलोका लागि गरिएको निर्णय सर्वोच्चको आदेशले रोकियो स् सचिव श्रेष्ठ
- ५ नेपालमा कोरोना सङ्क्रमण दर ६ प्रतिशतमा झर्यो
- ६ एमाले बैठकस्थल छाडेर हिँडे भीम रावल
- ७ तालिबानको डरले अफगानिस्तानको आकाश नछोई अमेरिका गयो मोदी सवार विमान
- ८ पञ्चदेवल विनायकमा काँग्रेस नगर कार्यसमिति चयन गर्न निर्वाचन सुरु
प्रतिक्रिया दिनुहोस