दैलेखकी एक महिलाले आफ्ना ४ सन्तानसहित कर्णाली नदीमा हाम फालेकी छन् ।
विश्वभर श्रमिक महिला दिवस मनाइरहेका बेला सोमबार आठबिस नगरपालिका–३ निमाइलकी ३५ वर्षीया सुकी बडुवालले ४ छोराछोरीसहित कर्णाली नदीमा हाम फालेकी हुन् ।
नदीमा फाल हालेकामध्ये दुईजना छोरीको शव अछाममा भेटिएको छ । अन्य बेपत्ता रहेको जिल्ला प्रहरी कार्यालय दैलेखका सूचना अधिकारी प्रहरी निरीक्षक राजेश साहुले जानकारी दिए ।
उनका अनुसार १४ वर्षीया कल्पना बडुवाल र १२ वर्षीया सरिता बडुवालको शव अछामको पञ्चदेववल विनायक नगरपालिका–४ स्थित कर्णाली नदीमा माछा मार्न प्रयोग गरिने डोरीमा बेरिएको अवस्थामा भेटिएको छ ।
आमा सुकी, १० वर्षीय ललित बडुवाल र पाँच वर्षीया रजनी बडुवालको शव भने भेटिएको छैन । उनीहरुको कर्णाली नदीमै खोजी भैरहेको प्रहरीले जनाएको छ ।
सोमबार बिहान तीन छोरी र एक छोरासहित घरबाट हिँडेकी सुकी माइतमा पनि नभेटिएपछि आफन्तले खोजतलास गरेका थिए ।
स्थानीयले सुकीले कर्णाली नदीमा हाम फालेको बताए पनि प्रहरीले भने घटनाको बारेमा अनुसन्धान भैरहेको बताएको छ ।
बेपत्ता भएकी सुकीका श्रीमान मानसिंह बडुवाललाई प्रहरीले नियन्त्रणमा लिएको छ । दिनहुँ मदिरा सेवन गरेर श्रीमतीसँग झगडा गर्ने गरेको सूचना पाएपछि प्रहरीले उनलाई नियन्त्रणमा लिएर अनुसन्धान गरेको थालेको छ ।
क्याटेगोरी : समाचार, समाज, हेडलाईन
थप समाचार
धेरै पढिएका
ताजा अपडेट
- १ कक्षा १२ को नतिजा प्रकाशित, सबैभन्दा धेरैले ल्याए ‘बी’ ग्रेड
- २ पैसा छाप्ने बैंक लुट्ने योजना जो बन्दैछ विश्वचर्चित
- ३ कक्षा १२ को नतिजा सार्वजनिक गर्ने तयारी, परीक्षा बोर्डको बैठक बस्दै
- ४ सञ्चारिका समूह सुदूरपश्चिमको अध्यक्षमा चाँदनी आचार्य
- ५ अछाममा नेकपा माओवादी केन्द्र सङ्गठन विस्तारको अभियानमा
- ६ बैतडीमा जिप दुर्घटना हुँदा तीन जना घाइते,
- ७ रावत स्मृती कप क्रिकेटको उपाधिका लागी मंगलसेन र कमलबजार भिड्ने
- ८ अछाम बस दुर्घटनामा ज्यान गुमाएका दुवै जनाको पोष्टमार्टम
प्रतिक्रिया दिनुहोस