वडाको विकासका लागी सबै सँग सहकार्य गर्छु : वडा अध्यक्ष साउद

एकेन्द्र खत्री २०७७ चैत्र ६, शुक्रबार २१:५३

बान्नीगढी जयगढ गाउँपालिका वडा नम्बर २ जनालीकोटको सार्वजनिक सुनुवाई कार्यक्रम सम्पन्न भएको छ ।

आर्थिक बर्ष २०७६।७७ को बार्षीक निति तथा कार्यक्रमको सार्वजनिक सुुनुवाई गरिएको हो ।

वडा अध्यक्ष नेत्र बहादुर साउँदको अध्यक्षतामा भएको सार्वजनिक सुनुवाई कार्यक्रमका सहभागीहरुले बिकास निर्माणका कार्यलाई पारदर्शी रुपमा सम्पन्न गर्नुपर्नेमा जोड दिएका छन् ।

वडामा संचालन हुने बिकास निर्माणका कार्य पारदर्शी तथा गुणस्तरीय रुपमा सम्पन्न गर्नका लागी जनप्रतिनिधिले आम नागरिकहरुसंग सहकार्य गर्नुपर्नेमा कार्यक्रमका सहभागीहरुको भनाई थियो ।

वडामा संचालन हुने बिकास निर्माणका योजना छनोट गर्नु पुर्व आवश्यकता तथा नागरिकको सुझावका आधारमा छनोट गर्नुपर्ने सहभागीको जोड छ ।

कोरोना कहरका समयमा भारत लगायत ठाउँबाट गाउँ फर्किएका नागरिकहरुको व्यवस्थापनमा वडा अध्यक्ष साउँद लगायत जनप्रतिनिधिले खेलेको भुमिकाको कार्यक्रमका सहभागीले खुलेर प्रशंसा गरेका थिए । यस्तै जनालीकोट वडाको बिकासका लागी वडाबाट संचालन हुने हरेका क्रियाकलापमा खुलेर सहयोग गर्ने सहभागीले प्रतिवद्धता जनाएका छन् ।

कार्यक्रममा बोल्दै वडा अध्यक्ष नेत्र बहादुर साउँदले जनताको सेवामा कुनै पनि कसुर बाँकी नराख्ने उद्धघोष गर्नु भएको छ । आफु वडा अध्यक्षमा निर्वाचित भएसंगै वडाको बिकास र जनताको सेवामा तल्लीन रहेको वडा अध्यक्ष साउँदको दावी छ ।

वडामा संचालन हुने बिकास निर्माणका कार्य नागरिकमैत्री तथा पारदर्शी रुपमा संचालन गर्न नागरिकसंग सहकार्य गरि अघि बढ्ने उहाँले प्रतिबद्धता जनाउनु भएको छ ।

वडा सदस्य,राजनितिक दलका प्रतिनिधि सरोकारवाला लगायतको सहभागीता रहेको कार्यक्रमको सहजीकरण पत्रकार धनराज साउँद र संचालन वडा सचिव मनोज रिमालले गर्नु भएको थियो ।

क्याटेगोरी : समाचार, समाज, स्थानीय, हेडलाईन

एकेन्द्र खत्री

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।