बझाङको जयपृथ्वी नगरपालिका–३ डुग्रीखोलामा पुल नहुँदा कुयापानी र कुशापानीका स्थानीयवासीलाई आवतजावतमा समस्या परेको छ।
तीनै तहको सरकारका प्रतिनिधिलाई पुन निर्माणमा ध्यानाकर्षण गराएको भए पनि बेवास्ता गरेको स्थानीयवासी महेश खड्काले गुनासो गरे।
सदरमुकाम चैनपुरबाट नजिकै भए पनि वर्षौँदेखि सो स्थानमा पुल नहुँदा बर्खाका समयमा दुःख झेल्दै आएको र उत्पादन भएका कृषि उपज वस्तु बजारसम्म पु¥याउन समस्या हुने गरेको पडेस युवा समाजका अध्यक्ष पवन खड्काले बताए।
ती दुवै गाउँमा हालसम्म खानेपानी, विद्युत् र सडकको सुविधा समेत छैन । उनले भने, “स्थानीयवासी खोलाको धमिलो पानी पिउन बाध्य छन, विद्युत्का लागि पोल गाडेको भए पनि हालसम्म बत्ती बलेको छैन, सडक बनाउन नगरपालिकाले ध्यान दिएको छैन।”
उपप्रमुख जुना जाग्रीले नगरपालिकाबाट प्रदेश सरकार र केन्द्र सरकारलाई पत्र पठाएकोे, वर्षेनी डुग्रीखोलाले खेतीयोग्य जमिन कटान गर्ने भएकाले त्यसतर्फ तटबन्धसमेत गरेको जानकारी दिए । उनले भने, “छिटो–छरितो काम गर्नका लागि पहल गरेकी छु । चाँडै समस्या समाधान हुनेछ।” हाल पुल नहुँदा करिब २५ परिवार समस्यामा परेका छन् । रासस
क्याटेगोरी : समाचार, समाज
थप समाचार
धेरै पढिएका
ताजा अपडेट
- १ पेसागत संघ सङ्गठनका प्रतिनिधिको बैठक मेल्लेखमा सम्पन्न, के भए निर्णय ?
- २ अछाममा काँग्रेसको पालिका अधिवेशन सकियो, कहाँ को भए सभापति ?
- ३ विद्यालय नियमित सँन्चालन राख्नका लागि सबैले सोच्नु पर्छ: शिक्षक र विद्यार्थी
- ४ उपभोक्ताको सजिलोका लागि गरिएको निर्णय सर्वोच्चको आदेशले रोकियो स् सचिव श्रेष्ठ
- ५ नेपालमा कोरोना सङ्क्रमण दर ६ प्रतिशतमा झर्यो
- ६ एमाले बैठकस्थल छाडेर हिँडे भीम रावल
- ७ तालिबानको डरले अफगानिस्तानको आकाश नछोई अमेरिका गयो मोदी सवार विमान
- ८ पञ्चदेवल विनायकमा काँग्रेस नगर कार्यसमिति चयन गर्न निर्वाचन सुरु
प्रतिक्रिया दिनुहोस