सगरमाथाको नयाँ उचाइ ८८४८८६ मिटर कायम भएको छ ।
मङ्गलबार नेपाल र चीन बीचको संयुक्त बैठकले सगरमाथाको नयाँ उचाइ घोषणा गरेको हो ।
नेपालले आफ्नै साधन, स्रोत र जनशक्ति प्रयोग गरी पहिलो पटक मापन गरिएको सगरमाथाको नयाँ उचाइ सार्वजनिक गर्न लागिएको हो । दुई वर्ष अघिदेखिको सर्वेक्षणबाट प्राप्त विवरण चीनका समकक्षी प्राविधिक तथा निर्देशक समिति तहमा छलफल भइ सगरमाथाको उचाइ सार्वजनिक गर्न लागिएको नापी विभागले जनाएको छ ।
चीनका राष्ट्रपति सी चिनफिङ गएको वर्ष नेपाल भ्रमणमा आएको बेला सगरमाथाको उचाइ संयुक्त रूपमा घोषणा गर्ने सहमति भएको थियो । दुवै देशमा एकै पटक सगरमाथाको उचाइ सार्वजनिक गरिने छ । आधुनिक तथा परम्परागत दुवै विधि अवलम्बन गरी सगरमाथाको उचाइ मापन गरिएको हो ।
यसअघि भारतले सन् १९५४ मा सगरमाथाको उचाइ मापन गरेको हो । त्यतिबेलाको मापनमा प्राप्त उचाइ आठ हजार आठ सय ४८ मिटरलाई नेपालले मान्यता दिएको छ । सन् १९९९ मा अमेरिकाले र सन् २००५ मा चीनले सगरमाथाको उचाइ मापन गरेका थिए ।
अमेरिकाको मापनमा आठ हजार ८५० मिटर उचाइ निस्किएको थियो भने चीनले गरेको मापनमा आठ हजार ८४४ मिटर थियो । चीनले गरेको मापनमा हिउँलाई घटाएर चट्टान भागको मात्र उचाइ लिइएको थियो । यसपटक हिउँ सतहसहित सगरमाथाको मापन गरिएको हो ।
क्याटेगोरी : अन्य, राष्ट्रिय, समाचार, समाज
थप समाचार
धेरै पढिएका
ताजा अपडेट
- १ पेसागत संघ सङ्गठनका प्रतिनिधिको बैठक मेल्लेखमा सम्पन्न, के भए निर्णय ?
- २ अछाममा काँग्रेसको पालिका अधिवेशन सकियो, कहाँ को भए सभापति ?
- ३ विद्यालय नियमित सँन्चालन राख्नका लागि सबैले सोच्नु पर्छ: शिक्षक र विद्यार्थी
- ४ उपभोक्ताको सजिलोका लागि गरिएको निर्णय सर्वोच्चको आदेशले रोकियो स् सचिव श्रेष्ठ
- ५ नेपालमा कोरोना सङ्क्रमण दर ६ प्रतिशतमा झर्यो
- ६ एमाले बैठकस्थल छाडेर हिँडे भीम रावल
- ७ तालिबानको डरले अफगानिस्तानको आकाश नछोई अमेरिका गयो मोदी सवार विमान
- ८ पञ्चदेवल विनायकमा काँग्रेस नगर कार्यसमिति चयन गर्न निर्वाचन सुरु
प्रतिक्रिया दिनुहोस