अविश्वास प्रस्ताव ल्याएर प्रधानमन्त्री हटाउन प्रचण्ड–नेपाललाई ओली समूहले दियो चुनौती

नेकपाको ओली समूहले अविश्वास प्रस्ताव ल्याएर प्रधानमन्त्री हटाउन प्रचण्ड–नेपाल समूहलाई चुनौती दिएको छ ।

सरकारका उपप्रधानमन्त्री एवं ओली समूहका नेता ईश्वर पोखरेलले प्रधानमन्त्री ओलीले राजीनामा नदिने भन्दै हिम्मत भए अविश्वास प्रस्ताव ल्याएर हटाउन सार्वजनिक मञ्चबाटै चुनौती दिनुभएको हो ।

ओली समूह निकट अनेरास्ववियूको कार्यक्रमलाई काठमाडौंमा सम्बोधन गर्दै पोखरेलले अविश्वासको प्रस्ताव डटेर सामना गर्ने र परिणाम स्वीकार्ने बताउनुभयो ।

प्रचण्ड–नेपाल समूह, नेपाली कांग्रेससहित धेरै जसो राजनीतिक दलले राजीनामा मागिरहेका बेला उपप्रधानमन्त्री पोखरेलले प्रधानमन्त्रीले राजीनामा नदिने प्रष्ट पार्नुभयो । संसद बोलाएर सबै कुराको सामना गर्ने तयारीमा आफूहरु रहेको पनि पोखरेलले बताउनुभयो ।

ओली समूहका नेता एवं ऊर्जामन्त्री टोपबहादुर रायमाझीले संसद पुनर्स्थापनासँगै अब आन्दोलन संसदमा केन्द्रीत भएको र त्यसै अनुसार आफ्नो पार्टी सरकार अघि बढ्ने बताउनुभयो । रायमाझीले धेरै प्रचण्ड–नेपाल समूहलाई धेरै उत्साहित नहुन र मैदान खाली भएको नठान्न चुनौती दिनुभयो ।

प्रचण्ड–नेपाल समूहले प्रधानमन्त्री ओलीलाई हटाउन अरु दलसँग दौडधुप गरिरहेका बेला ओली समूहले सरकारविरुद्ध हुने सबै प्रयासको प्रतिवाद गर्ने सार्वजनिक रुपमै चेतावनी दिएको हो ।

पहिले संसद विघटन गरेर जाने प्रयास गरेको ओली समूहले नयाँ चरणमा फेरि संसदबाट लड्ने चुनौती दिएको छ ।

एकेन्द्र खत्री

खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

Leave a Reply

Your email address will not be published. Required fields are marked *

Back to top button
error: Content is protected !!
Close
Close

Adblock Detected

Please consider supporting us by disabling your ad blocker