अब संसदमा नयाँ खेल शुरु हुन्छ– नेता खनाल
सत्तारुढ नेकपा एमालेका वरिष्ठ नेता झलनाथ खनालले अब नयाँ खेल शुरु हुने बताउनु भएको छ ।
बुधबार संसद बैठक सकिएपछि बाहिरिने क्रममा उहाँले यस्तो प्रतिक्रिया दिनु भएको हो । उहाँले यही सरकारलाई दुई वर्ष टिकाउनुपर्ने बताउँदै भन्नुभयो ‘हामी अब एमाले भयौं । संसदमा विभिन्न राजनीतिक खेलहरु हुनेछन् । म एमालेको वरिष्ठ नेताको हैसियतले भन्नुपर्दा अब हाम्रो पार्टी सरकार जोगाउनेतिर लाग्छ ।’
यो सरकारले दुई वर्षको कार्यकाल राम्रोसँग पूरा गर्नुपर्ने उहाँको भनाइ थियो ।
उहाँले संसदले मुलुकलाई राम्रो निष्कर्षतर्फ लैजाने विश्वास व्यक्त गर्दै संसद पुनर्स्थापनालाई ऐतिहासिक परिघटना भएको प्रतिक्रिया दिनु भयो ।
