Techie IT

बोक्सीको आरोपमा कुटिएकी युवतीद्धारा आत्महत्याको प्रयास


धनगढीमा बोक्सीको आरोपको कुटपिटमा परेकी युवतीले आत्महत्याको प्रयास गरेकी छन्। धनगढी उपमहानगरपालिका वडा नम्बर १३ मा बोक्सीको आरोपमा आफ्नै काकी फुलमाया रानाबाट कुटिएकी २३ वर्षीया युवतीले आत्महत्याको प्रयास गरेकी हुन्।

आईतबार साँझ घरमै गएर बोक्सीको आरोप लगाएर रानाले कुटपिट गरेपछि युवतीले विष सेवन गरी आत्महत्याको प्रयास गरेपनि परिवारले थाहा पाएपछि सेती प्रादेशिक अस्पतालमा उपचारका लागि पु¥याएका थिए।

युवतीकी ठुलीआमा पार्वतीले बोक्सी भन्दै कुटपिटमा परेपछि आत्महत्या गर्न विष सेवन गरेको थाहा पाएपछि लगतै अस्पताल पु¥याईएको र अहिले अवस्था सुधार हुँदै गएको बताईन्।

स्वास्थ्य अवस्था सुधार हुँदै गएकी ती पीडित युवतीले काकीले बोक्सी भनी कुटपिट गरेपछि विष सेवन गरेको बताईन्। जिल्ला प्रहरी कार्यालय कैलालीले भने घटनाबारे जानकारी नभएको जनाएको छ। तर वडा नम्बर १३ का अध्यक्ष विजयराज जोशीले घटना भए लगतै प्रहरीलाई खबर गरिएको बताएका छन्।


क्याटेगोरी : प्रदेश, समाचार

साउँद रेडियो बान्नीगढिको कार्यकारी निर्देशकका साथै बान्नीगढि टुडेको प्रकाशक हुन् । उनले राजनितिक र सामाजिक बिषयमा कलम चलाउछन् ।

प्रतिक्रिया दिनुहोस