कञ्चनपुरकी १३ वर्षीया बालिका निर्मला पन्तको हत्या सम्बन्धमा एआईजी धिरु बस्न्यात नेतृत्वको छानबिन समितिले तयार पारेको प्रतिवेदन प्रहरी प्रधान कार्यालयले खारेज गर्दैै नयाँ प्रतिवेदन कार्यान्वयनका लागि कञ्चनपुर प्रहरीलाई निर्देशन दिएको छ ।
प्रहरी प्रधान कार्यालयले दुईसाताअघि अर्का डीआईजी सुरज केसी नेतृत्वमा पुनरवलोकन समिति गठन गरेको थियो । उक्त समितिले दिएको प्रतिवेदन कार्यान्वयन गर्नका लागि कञ्चनपुर प्रहरीलाई निर्देशन दिइएको प्रहरी प्रवक्ता डीआईजी शैलेश थापाले जानकारी दिए ।
प्रहरी उच्च स्रोतका अनुसार पछिल्लो प्रतिवेदनमा दिलीप सिंह विष्टलाई नै मुख्य दोषी देखाइएको छ । विष्ट नै मुख्य अभियुक्त रहेकाले अनुसन्धान प्रक्रिया अघि बढाउन निर्देशन दिइएको प्रहरी प्रधान कार्यालय उच्च स्रोतले जानकारी दियो ।
एआईजी बस्न्यात नेतृत्वमा २०७५ भदौ ३१ मा छानबिन समिति गठन गरिएको थियो । १३ वर्षीया बालिका पन्तको २०७५ साउन ११ गते उखुबारीमा बलात्कारपछि हत्या गरेको अवस्थामा शव फेला परेको थियो ।
बस्न्यात नेतृत्वको समितिले नै यसअघि पक्राउ परिसकेका विष्ट निर्दोष रहेको भन्दै प्रहरी अनुसन्धानमै कमजोरी देखिएको निष्कर्ष निकालेको थियो । बाह्रखरीबाट साभार
क्याटेगोरी : प्रदेश, मुख्य समाचार, समाचार, हेडलाईन
थप समाचार
धेरै पढिएका
ताजा अपडेट
- १ टर्की र सिरियामा भूकम्पका कारण ज्यान गुमाउनेको सङ्ख्या ११ हजार नाघ्यो
- २ हेल्मेटभित्र १८ लाख रुपैयाँ लुकाएर नेपाल आउँदै गरेका दुई भारतीय नागरिक पक्राउ
- ३ अछाम रेशम तिमिल्सैना हत्या प्रकरण : अभियुक्त शाही विरुद्ध जन्मकैदको फैसला
- ४ ढकारी गाउँपालिकामा चिउरी प्रसोधन केन्द्र संचालनमा
- ५ संसदीय दलको नेता चयनसँगै नयाँ सरकार गठनको कसरत, प्रधानमन्त्री बन्न देउवा र प्रचण्डको होड
- ६ अछामका १० स्थानीय तहका ४० मुद्धा अख्तियारमा
- ७ प्रतिनिधिसभाका २७४ सांसदको सपथ आज
- ८ घाँटीमा मासु अड्किएर दैलेखमा १ जनाकाे ज्यान गयाे
प्रतिक्रिया दिनुहोस