Techie IT

कैलालीमा माटोको ढिस्कोमा पुरिएर ३ जनाको मृत्यु, २ घाइते


कैलालीमा माटोको ढिस्कोले पुरिएर ३ जनाको मृत्यु भएको छ।

शनिबार बिहान जिल्लाको जानकी गाउँपालिकामा माटोको ढिस्कोले पुरिएर वडा नम्बर ९ को पूर्वखैरीफाँटाका ३ महिलाको मृत्यु भएको हो।

घर पोत्नका लागि माटो लिन गएका ३१ वर्षीय गंगा जयगडी, २० वर्षीय भावना वड र १७ वर्षीय धनसरी विकको माटोको ढिस्कोले पुरिएर मृत्यु भएको इलाका प्रहरी कार्यालय टीकापुरका प्रहरी नायब उपरीक्षक मधुसूदन न्यौपानेले बताए।

ढिस्कोले पुरिएर काजल विक र अन्जु जयगडी घाइते भएको उनले बताए।

घाइते दुवैजनाको टीकापुर अस्पतालमा उपचार भइरहेको छ।


क्याटेगोरी : प्रदेश, समाचार, समाज, हेडलाईन

एकेन्द्र खत्री
खत्री रेडियो बान्नीगढि एफ,एममा समाचार सम्पादकका रुपमा कार्यरत छन् । उनले समसामयिक बिषयमा कलम चलाउछन् ।

प्रतिक्रिया दिनुहोस