गण्डकीका मुख्यमन्त्री गुरुङविरुद्धको अविश्वास प्रस्तावमाथि आज मतदान हुने
गण्डकी प्रदेशका मुख्यमन्त्री पृथ्वीसुब्बा गुरुङविरुद्धको अविश्वासको प्रस्तावमाथि आज ९बुधबार० मतदान हुँदैछ ।
पोखरास्थित प्रदेशसभा भवनमा दिउँसो १ बजे बस्ने बैठकमा आज बाँकी सांसदहरुले धारणा राख्ने क्रम सकिएपछि मतदान हुने प्रदेशसभा सचिवालयले जनाएको छ ।
सांसदहरुले बोल्ने क्रम छोट्याएर मतदान गर्ने तयारी भएको सचिवालयकी उप–सचिव सपना अधिकारीले जानकारी दिनुभयो ।
अस्ति गण्डकी प्रदेशको विशेष अधिवेशनमा नेपाली कांग्रेस संसदीय दलका नेता तथा प्रस्तावित मुख्यमन्त्री कृष्णचन्द्र नेपाली पोख्रेलले अविश्वासको प्रस्ताव पेस गर्नुभएको थियो ।
प्रस्तावमाथि छलफल सकेर मतदान गर्न लागिएको हो । अविश्वासको प्रस्तावमा नेपाली कांग्रेस, माओवादी केन्द्र र जनता समाजवादी पार्टीका गरी २८ जना सांसदको समर्थन छ ।
यसअघि आफूविरुद्ध अविश्वासको प्रस्ताव दर्ता हुन लागेको थाहा पाएपछि मुख्यमन्त्री गुरुङले वैशाख १ गते राति नै संसद् अन्त्य गर्न सिफारिस गरेका थिए । लगत्तै प्रदेश प्रमुख अमिक शेरचनले सोही दिन मध्यरातमै संसद् अन्त्य गर्नुभएको थियो ।
तर, प्रतिपक्षी दलहरूले निवेदन दिएपछि प्रदेश प्रमुख शेरचनले संसदको विशेष अधिवेशन आह्वान गर्नुभएको हो ।
क्याटेगोरी : प्रदेश, राजनीति, समाचार
थप समाचार
धेरै पढिएका
ताजा अपडेट
- १ धनकुटामा पहिरोले घर पुरिँदा ६ जनाको ज्यान गयो
- २ सकियो दसैँ
- ३ सुदूरपश्चिममा बाढीपहिरो : मृतक १२ जनाको सनाखत, २८ जना अझै बेपत्ता (नामसहित)
- ४ कञ्चनपुरमा बाढीले वडाध्यक्षसहितका १२ सय परिवार विस्थापित
- ५ सेती नदीमाथिको मोटरेबल पुल बाढीले बगायो
- ६ उत्तर कोरियाद्वारा पनडुब्बीबाट हानिने नयाँ बलिस्टिक क्षेप्यास्त्र परीक्षण गरेको पुष्टि
- ७ विराटनगर विमानस्थल जलमग्न, सबै उडान रद्ध
- ८ रुपन्देहीको मोतीपुर घटनाका मुख्य आरोपी साबिर पक्राउ
प्रतिक्रिया दिनुहोस