काठमाडौँ– नेकपाका प्रथम अध्यक्ष एवं प्रधानमन्त्री केपी शर्मा ओली र कार्यकारी भनिएका द्वितीय अध्यक्ष पुष्पकमल दाहाल प्रचण्डबीच नौ दिनपछि भएको वार्ता ठोस निष्कर्ष विनै सकिएको छ । प्रचण्डका प्रेस संयोजक विष्णु सापकोटाले प्रधानमन्त्री निवास बालुवाटारमा दुई अध्यक्षबीच झण्डै चार घण्टा भएको वार्ता सकारात्मक भएको तर पनि ठोस सहमति भने नभएको जानकारी दिए ।‘सालाखाला ४ घण्टा अध्यक्षद्वयबीच भएको छलफल समस्या समाधानउन्मुख भएको छ तर, अहिलै ठोस सहमति बनिसकेको छैन, छलफललाई निरन्तरता दिने समझदारी भएको छ,’ सापकोटाले भने । प्रधानमन्त्री निवास बालुवाटारमा दुई अध्यक्षबीच पौने ११ बजे सुरू भएको वार्ता पौने ३ बजे सकिएको थियो ।
आजको वार्तामा महाधिवशेन आयोजक कमिटी गठन गर्ने र अहिलेको केन्द्रीय कमिटी भङ्ग गर्ने लगायका विषयमा छलफल भएको ओली निकट स्रोतले जनाएको छ । महामारीका बेला पार्टीभित्र देखिएको खिचातानीले जनमानसमा गलत सन्देश गएको र पार्टी जीवनलाई नै क्षति पुर्याउने काम भएकाले समझदारीका साथ अघि बढ्न दुई अध्यक्ष एकमत भएको ओली निकट स्रोतले बताएको छ ।
असार १० सुरु भएको स्थायी कमिटी बैठक निचोड नपुग्दै बीचैमा भाँडिएपछि नेकपाभित्र गतिरोध उत्पन्न भएको छ । ओलीले प्रधानमन्त्री र अध्यष दुईमध्ये एक पद छाड्नुपर्ने दाहालको र कुनै पनि पद नछाड्ने ओलीको अडानले नेकपाको विवाद चरमोत्कर्षमा छ । तत्कालै दुबै पद छाड्नुभन्दा चाँडो महाधिवेशन गर्नु उपयुक्त हुने ठानेका ओलीले पछिल्ला छलफलमा नेकपा विवादलाई महाधिवेशनतिर केन्द्रित गराएका छन् ।
क्याटेगोरी : समाज
थप समाचार
धेरै पढिएका
ताजा अपडेट
- १ सुदूरपश्चिमको अर्थमन्त्रीमा तामाङ र राज्यमन्त्रीमा बोहरा नियुक्त
- २ मोजाविना नै जुत्ता लगाउने बानी छ ? अनेकौँ समस्या हुन सक्छ
- ३ आजदेखि तीन दिनसम्म सातौँ संविधान दिवस मनाइँदै
- ४ प्रदेस सभा (ख) को सचिब मा युवा नेता उमेश कुमार बोहोराको उम्मेद्बारी घोषणा
- ५ सुदूरपश्चिमको पहिलो औद्योगिक ग्रामको रूपमा मेल्लेखमा ग्राम उद्योगको उद्घाटन
- ६ संसद खुलाउन सत्तापक्षले भूमिका खेल्नुपर्ने : एमाले उपाध्यक्ष रावल
- ७ नेपाल–चीन सीमा अध्ययन टोली हिल्सा पुग्यो
- ८ इटलीमा कर्मचारीहरुका लागि हरियो पास अनिवार्य गरिने
प्रतिक्रिया दिनुहोस