सुदूरपश्चिममा ‘चेली त्यार’ शुरु : उत्तरायणीमा जयगढमा महिलाद्धारा न्याउले प्रर्दशन ( भिडियो )

धनराज साउँद २०७६ माघ २, बिहीबार २१:४७

सुदूरपश्चिम प्रदेशमा माघी पर्वको रौनक सकिएसँगै चेलीको त्यार शुरु भएको छ ।

विवाह गरेर पराईको घरमा गएकी छोरीचेलीलाई विभिन्न किसिमका परिकार पकाएर दिने चलनलाई सुदूरपश्चिमको स्थानीय भाषामा ‘चेली त्यार’ अर्थात च्यालत्यार भन्ने गर्दछन । विवाह गरेर अर्काको घर गएकी छोरीलाई माघ महिनामा माइतीघरमा बोलाएर होस् वा उनकै घरमा गएर उक्त ‘चेली त्यार’ दिने चलन रहेको छ ।

आफनो माइती नभएका अर्थात आमाबुबा, दाइ, भाउजू नभएका छोरीचेली भने यो महिनालाई दुःखको महिना सम्झेर खिन्न हुने गर्दछन । सुदूरपश्चिमका दुई जिल्ला कैलाली तथा कञ्चनपुरबाहेक अन्य जिल्ला अछाम, बाजुरा, बझाङ, बैतडी, डडेल्धुरा तथा डोटीमा छोरीलाई त्यार दिने अर्थात ‘चेली त्यार’ दिने चलन परापूर्वकालदेख चल्दै आएको छ । छोरी धनी होस वा गरीब, नजिक होस वा टाढा त्यार अनिवार्य दिनैपर्ने चलन यहाँका पहाडी जिल्लामा रहेको छ । य

सै बिच मकर सँक्रान्ति सकिए सँगै बिहिवार अछाम जिल्लाका बिभिन्न ठाउँमा महिलारुले उत्तरायणीको अवशरमा न्याउले खेल लगाउदै सुख दुःख साटासाट गरेका छन । जिल्लाको बान्नीगढी जयगढ गाउँपालिकाको जयगढ बजारमा सामुहिक रुपमा जम्मा भएर महिलाहरुले न्याउले खेल मार्फत दुःख सुख साटासाट गरेका हुन ।
हेरौ यो भिडियो :