भुटानको राजधानी थिम्पुमा सम्पन्न पाँचौ अन्तर्राष्ट्रिय तेक्वान्दो प्रतियोगितामा नेपालबाट सहभागी सिन्धु टाइगर टिमले तीन स्वर्णसहित छ रजत र दुई कांस्य पदक जितेको छ ।
जिल्ला तेक्वान्दो संघ सिन्धुपाल्चोकका अध्यक्ष प्रेम भण्डारीको नेतृत्वमा सहभागी १३ जनाको टोली मध्ये १० जनाले ११ पदक जितेका हुन् ।
प्रतियोगितामा पुम्सेतर्फ भण्डारीले टोलीका लागि पहिलो स्वर्ण पदक दिलाएका थिए । त्यस्तै क्याडेटतर्फबाट ३३ केजी तौल समूहमा सिसम श्रेष्ठले पनि स्वर्ण जिते ।
जुनियर ५२ केजी तौल समूहमा प्रतिस्पर्धा गरेकी सञ्चीता खड्काले पनि स्वर्ण जितिन् ।
अध्यक्ष भण्डारीका छोरा सगुनसहित सविन कार्की र दिप्सन केसीले पनि १५ वर्ष भन्दा कम उमेर समूहबाट एक÷एक रजत पदक हात पारे ।
टोलीको लागि रजत पदक जित्नेमा ५७ केजी तौल समूहबाट सोनी लामा, ४९ केजीबाट चमेली तामाङ र ७४ केजीबाट गंगा तामाङ छन् । उनीहरुले सिनियर समूहका तर्फबाट प्रतिस्पर्धा गरेका थिए ।
४१ केजी क्याडेटमा प्रतिस्पर्धा गरेका सागर खड्काले एक कास्य पदक दिलाए भने जुनियर ४८ केजी समूहमा समेत प्रतिस्पर्धा गरेका सविन कार्कीले एक रजतसहित एक कास्य हात पारे । उनीहरु सवै सिन्धुपाल्चोक हुन् ।
क्याटेगोरी : खेलकुद
थप समाचार
धेरै पढिएका
ताजा अपडेट
- १ पूर्व कप्तान पारस खड्काद्वारा अन्तर्राष्ट्रिय क्रिकेटबाट सन्यासको घोषणा
- २ आज पाँच प्रदेशका एकरदुई ठाउँमा ठूलो पानी पर्ने सम्भावना
- ३ मेलम्चीमा बाढीले फेरि सात घर बगायो
- ४ साझा कार्यक्रमको मस्यौदा तयार : अन्तिम रुप दिएपछि मात्रै मन्त्रिपरिषद् विस्तार हुने
- ५ मेलम्ची बाढी स् कटान अझै रोकिएन, विस्थापितलाई बासकै समस्या
- ६ सप्तरीमा दुई वटा मोटरसाइकल ठोक्किँदा दुई जनाको ज्यान गयो
- ७ काठमाण्डौमा भीडभाड रोक्न आजदेखि अनुगमन, मास्क नलगाउनेलाई कारबाही
- ८ कक्षा १२ को परीक्षा निर्धारित मितिमै हुने, हल्लाको पछि नलाग्न बोर्डको आग्रह
प्रतिक्रिया दिनुहोस