सान्त्वना जितसँगै जारी प्रधानमन्त्री कप एकदिवसीय क्रिकेट प्रतियोगितामा सुदूरपश्चिमको यात्रा सकियो
सान्तवना जितसँगै सुदूरपश्चिम प्रदेशले जारी प्रधानमन्त्री कप एकदिवसीय क्रिकेट प्रतियोगिताको यात्रा समाप्त गरेको छ । आज भएको समूहको अन्तिम खेलमा सुदूरपश्चिम प्रदेशले गण्डकी प्रदेशमाथि ४ विकेटको जित निकालेको हो । सुदूरपश्चिमको जितमा आकाश चन्दले २९ रन बनाउँदा नरेन्द्र साउद २३ तथा लोकेश बलले १३ रन बनाए ।
९० रनको सामान्य लक्ष्य सुदूरपश्चिमले २९।२ ओभरमा ६ विकेटको क्षतिमा भेटाएको हो । सुदूरपश्चिमका लागि चन्दले २ चौका र २ छक्काको मद्दतमा २९ रन बनाएका थिए । नरेन्द्रले २ चौकाको मद्दतमा अविजित २३ रन बनाएका थिए ।
गण्डकी प्रदेशका लागि किसोरी महतोले ३ विकेट लिए । विपिन खत्रीले २ तथा दिपेश श्रेष्ठले १ विकेट लिए । यसअघि पहिला ब्याटिङ गरेको गण्डकी प्रदेश ८९ रनमा अलआउट भएको थियो । गण्डकीका लागि राहुल शर्माले सर्वाधिक ४१ रन बनाएका थिए । किशोरी महतोले १४ तथा आकाश थापाले १२ रन जोडेका थिए ।
गण्डकीका खेलाडीलाई सस्तैमा समेट्न विनोद लामाले ५ विकेट लिए । शेर मल्ल र महेश अधिकारीले २–२ विकेट लिँदा नरेन्द्र साउदको नाममा १ विकेट रह्यो । सान्त्वना जितसहित समूह ए बाट सुदूरपश्चिम र गण्डकी प्रदेश र पाँच नम्बर प्रदेश बाहिरिँदा विभागीय क्लब एपिएफ र प्रदेश ३ सेमिफाइनलमा पुगेका छन् । समूह बी बाट नेपाल पुलिस र आर्मीले अन्तिम चारमा स्थान बनाएका छन् ।baahrakhari
क्याटेगोरी : खेलकुद, समाचार
थप समाचार
धेरै पढिएका
ताजा अपडेट
- १ म्याग्दीमा जिप दुर्घटना : वडा सदस्यसहित ४ जनाको मृत्यु
- २ भीम रावललाई भोट नहाल्न भन्दै एमाले प्रतिनिधिहरुलाई बाँडियो पर्चा
- ३ राखेपको सदस्य सचिवमा टङ्कलाल घिसिङलाई नियुक्त गर्ने मन्त्रिपरिषद्को निर्णय
- ४ लियोनल मेस्सीलाई साताैँ पटक बालोन ‘डी’ ओर अवार्ड
- ५ प्रधानन्यायाधीश जबरालाई कोरोना सङ्क्रमण
- ६ निर्वाचन परिणामलाई स्वीकार गर्छु : भीम रावल
- ७ एमालेको नयाँ नेतृत्व चयनका लागि मतदान चल्दै
- ८ एमाले महाधिवेशन : मतदान राति ११ बजेपछि सुरु हुने
प्रतिक्रिया दिनुहोस