माकाठमाडौैँ मेयर कप एकदिवसीय क्रिकेट प्रतियोगिताको उपाधि नेपाल पुलिस क्लबले जितेको छ । कीर्तिपुरस्थित त्रिवि क्रिकेट मैदानमा आज भएको फाइनल खेलमा पुलिस क्लबले सशस्त्र प्रहरी बलको एपीएफ क्लबलाई आठ विकेटले पराजित गरेको हो ।
उपाधिसँगै पुलिस क्लबले रु पाँच लाख पुरस्कार प्राप्त गरेको छ । उपविजेता एपीएफ क्लबले रु तीन लाख पुरस्कार प्राप्त गरेको छ । टस जितेर ब्याटिङ गरेको एपीएफ क्लबले नेपाल पुलिस क्लब सामु जितका लागि १०६ रनको झिनो लक्ष्य प्रस्तुत गरेको थियो । एक सय ६ रनको विजय लक्ष्य पुलिस क्लबले २४ दशमलव एक ओभरमा दुई विकेट गुमाएर पूरा ग¥यो ।
पुलिस क्लबका लागि सुनिल धमलाले अविजित ५९ रनको योगदान दिनुभयो । उहाँले ८२ बल खेल्दै दुई छक्का र सात चौका प्रहार गर्नुभयो । यस्तै दिपेन्द्रसिंह ऐरीले अविजित ११, कुशल भुर्तेलले १५ तथा अनिल साहले १५ रन बनाउनुभयो । बलिङतर्फ एपीएफका अभिनाश बोहरा र भुवन कार्कीले एक÷एक विकेट लिनुभयो ।
यसअघि ब्याटिङ गर्ने क्रममा एपीएफ क्लबले २९ दशमलव चार ओभरमा सबै विकेट गुमाउँदै १०५ रन मात्र बनायो । एपीएफले पाँच रनमा पहिलो विकेट गुमाएको थियो । टोलीको स्कोर १० रन छँदा उसले आफ्ना तीन महत्वपूर्ण विकेट गुमाउन पुग्यो । शङ्कर राना चार रनमा तथा आसिफ शेख र शरद भेषवाकरबिना कुनै रन पेभेलियन फर्किनुभयो ।
यस्तै भुवन कार्कीले १४, सन्दीप जोराले १८, वसन्त रेग्मीले २२, अभिनाश बोहराले १२ तथा अमर रौटेलाले १८ रन बनाउनुभयो । बलिङतर्फ गुल्सन झा र सागर ढकालले चार÷चार विकेट लिनुभयो । यस्तै पवन शर्राफ र ललित राजवंशीले एक एक विकेट लिनुभयो । प्रतियोगितामा पुलिस र एपीएफसँगै नेपाली सेनाको त्रिभुवन आर्मी क्लब, वाग्मती प्रदेश र काठमाडौँ मेयर ११ सहभागी थिए ।
क्याटेगोरी : खेलकुद
थप समाचार
धेरै पढिएका
ताजा अपडेट
- १ वाग्मतीका नवनियुक्त मुख्यमन्त्री र मन्त्रीद्वारा शपथ ग्रहण
- २ चर्नको लागि जाने हो परदेश, आखिर फर्कनु त गुँडमा छँदैछ’
- ३ प्रतिनिधि सभा बैठकमा एमालेकाे अवराेध, अर्काे बैठक कात्तिक २९ गते
- ४ नेपालमा काेराेना सङ्क्रमण दर ५ प्रतिशत नजिक झर्याे
- ५ सुनको भाउ तोलामा ४ सय रुपैयाँ बढ्याे
- ६ प्रतिनिधि सभाको बैठक आज बस्दैछ ।
- ७ यात्रु र गाडीवालाको एउटै समस्या – खुद्रा पैसा छैन !
- ८ वाग्मतीमा राजेन्द्र पाण्डे मुख्यमन्त्री बन्ने निश्चित, आजै तीन मन्त्रीलाई शपथ खुवाउने तयारी
प्रतिक्रिया दिनुहोस