अर्को वर्ष कतारमा आयोजना हुने फिफा विश्वकप युरोपेली देशहरूको छनोटअन्तर्गत शनिबार राति सम्पन्न खेलमा नेदरल्यान्ड्सले सानदार जित निकालेको छ।
नेदरल्यान्ड्सको घरेलु मैदानमा भएको खेलमा उसले पाहुना टिम मेन्टेनिग्रोविरुद्ध ४–० गोलको सानदार जित निकालेको हो।
नेदरल्यान्ड्सको जितका लागि मेम्फिस डिपेले दुई गोल गरे भने जोजिनियो वाइनाल्डुम र कोडी गाक्पोले समान १–१ गोल गरे।
खेलको ३८औं मिनेटमा पेनाल्टीमा पाएको अवसरको सदुपयोग गर्दै डिपेले गोल गरेका थिए। यससँगै पहिलो हाफमा नेदरल्यान्ड्स एक गोलले अघि रह्यो। दोस्रो हाफको ६०औं मिनेटमा डिपेले अर्को गोल थपे भने वाइनाल्डुमले ७०औं मिनेटमा गोल गरे।
लवाइनाल्डुमले गरेको गोलको समयको छ मिनेटपछि गोक्पोले गोल गर्दा नेदरल्यान्ड्सले ४–० गोलको अग्रता बनायो। र, सोहि अग्रताका साथ उसले खेल जित्यो।
डिपेले अहिलेसम्म आफ्नो देशका लागि ३० गोल गरेका छन्। जहाँ उनले पछिल्लो ९ खेलबाट ९ गोल गरेका छन्।
डिपेको प्रदर्शनप्रेरित जितसँगै पाँच खेलबाट १० अंक बनाएको नेदरल्यान्ड्स समूह जीको दोस्रो स्थानमा छ भने पराजित मोन्टेनिग्रो सात अंकका साथ चौथो स्थानमा छ। शीर्षस्थानको टर्कीको १० अंक छ।
टर्कीले गएरातिको खेलमा जिब्राल्टरविरुद्ध ३–० गोलको जित निकालेको छ। यता सोहि समूहको अर्को खेलमा नर्वेले लात्भियालाई २–० गोलको जित निकालेको छ।
नर्वेका लागि इर्लिङ हाल्यान्ड र मोहमद युनोसीले गोल गरे। नर्वे १० अंकका साथ समूहको तेस्रो स्थानमा छ भने लात्भिया चार अंकका साथ पाँचौ स्थानमा छ।
क्याटेगोरी : खेलकुद
थप समाचार
धेरै पढिएका
ताजा अपडेट
- १ मंगलसेन नगरपालिकाद्धारा कार्य सम्पादनका आधारमा ६७।७५ प्रतिशत प्रगति
- २ देउवा सरकारको ६ महिना १७७ किमी सडक कालोपत्रे
- ३ थप १० हजार ७ सय ३ जनामा कोरोना संक्रमण
- ४ ढकारीका मृगौला पिडित सुनारको उपचारका लागि आर्थिक संकलन अभियान सञ्चालन
- ५ प्रधानमन्त्री देउवाले आज राष्ट्रका नाममा सम्बोधन गर्ने
- ६ कांग्रेसको १६ जिल्लाको अधिवेशन फेरि स्थगित
- ७ कैलालीमा आज देखि सार्वजनिक स्थानमा खोपकार्ड अनिवार्य
- ८ मन्त्री रेणु यादवलाई बर्खास्त गर्न माग
प्रतिक्रिया दिनुहोस