पर्यटकीय क्षेत्र सुरईकोटमा निर्माणाधिन संरचनाको नगरप्रमुख बोहराद्धारा अनुगमन
मंगलसेन नगरपालिका प्रमुख पदमबहादुर बोहराले पर्यटकिय क्षेत्र सुरईकोटमा निर्मााणाधिन संरचनाको अनुगमन गर्नुभएको छ ।
नगरप्रमुख सहितको टोलिले सुरईकोटमा निर्माण भईरहेको षोडशादेवी मन्दिरको अनुगमन गरिएको हो ।
संस्कृति पर्यटन तथा नागरिक उड्ययन मन्त्रालयबाट प्राप्त २५ लाखको लागतमा नगरपालिका मार्फत निर्माण भईरहेको मन्दिर र सडकको अनुगमन पश्चात नगरप्रमुख बोहराले तोकिएको तोकिएको स्टमेट अनुसार गुणस्तरीय कार्य गर्न आग्रह गर्नुभयो ।
सुरईकोटमा पर्यटन पूर्वाधार निर्माण गरेर नमूना पर्यटकिय क्षेत्रको रुपमा अगाडी बढाईने उहाँको भनाई छ । लकडाउनको समयमा सामाजिक दुरी कायम गर्दै सुरक्षस्त रहेर विकास निर्माणका कार्य गर्न नगरप्रमुख बोहरले आग्रह गर्नुभयो ।
अनुगमनमा नगरपालिकाका ईञ्जिनियर खम्म केसी, सव–ईञ्जिनियर सुरेश पाल, एमआईएस अपरेटर होम साउद र उपभोक्ता समितिका पदाधिकारीहरुको सहभागिता रहेको थियो ।
